Marié Jacobs
Marié Jacobs is op 2 Junie 1961 op Edenville in die Oos-Vrystaat gebore. In 1979 matrikuleer sy aan Afrikaans Hoër Kroonstad. Sy voltooi haar BA Honneurs in die vroeë tagtigs by die Universiteit van die Oranje-Vrystaat en behaal in 2002 ’n MA in Afrikaanse letterkunde aan dieselfde universiteit. Sy onderrig Afrikaans al vir baie jare, eers as Huistaal en later as Addisionele Taal. Tans is sy verbonde aan St Mary’s Skool, Waverley in Johannesburg. Marié publiseer verskeie Afrikaans handboeke, eers by AllCopy Uitgewers en meer onlangs ’n handleiding en gids oor 10 gedigte uit Toulopers by Seiklo Uitgewers. Haar blog, karmosyn.wordpress.com, is ’n paar weke oud. Hier deel sy haar passie vir poësie, musiek en rolprente. Sy sien haarself as ’n groei-junkie en beplan nie om gou tot rus te kom nie.
Luisterindruk: Gevlerktes deur Lizanne Barnard
2019-06-27"Gevlerktes is iets uitsonderlik in Afrikaans. Dit klink so oud soos 'die berggans het ’n veer laat val' van Boerneef en so nuut soos HemelBesem se rap song 'Moenie worry nie'."
David Whyte: Hoe bring jy diepte na jou gesprek?
2017-12-06"Begin deur met jou volle aandag na die grond te kyk. Begin met die gesprek sonder om al die antwoorde te hê. Ons dink ons kan die pad sien, tot aan die einde. Maar die pad verskyn en verdwyn, verskyn en verdwyn."
Katgedigte en ’n glasie sjerrie om die winterkoue te verdryf
2017-08-22Marié Jacobs bespreek drie katgedigte wat al op haar skoot kom lê het: “Hemel” deur Lina Spies, “in memoriam: Strooi” deur Marlise Joubert en “Levinia kat” deur Danie Marais.
"Artisjokhart" deur Karen de Wet: ’n bespreking
2017-07-13"Ek het 'Artisjokhart' vir die eerste keer raakgelees in nuwe stemme 3 (Tafelberg, 2005). Die skoonheid van hierdie gedig het my dadelik oorrompel."