Litnet

Lourette Erasmus behaal in 1984 haar BA-graad met tale aan die Universiteit Stellenbosch en verwerf daarna ’n Hoër Onderwysdiploma en MPhil in Taalwetenskap.

Sy onderrig drie jaar lank Afrikaans by die Hugenote Hoërskool in Wellington en daarna tien jaar lank by die Hoër Meisieskool Paarl. Van 2001 tot 2003 gee sy Engels aan die “International School” in Londen, tussen 2004 en 2009 Kommunikasiekunde by Boland Kollege, Stellenbosch, en daarna weer Afrikaans by die Hoër Meisieskool Bloemhof. Sy is tans Afrikaans-onderwyser by Hoërskool Stellenbosch.