Kallie Kriel
Kallie is getroud met Elana, ‘n opvoedkundige sielkundige wat hy in sy studentejare by UP ontmoet het, en hulle het vier kinders: CM (26), Emri (23), Nina (19) en Jana (17).
Kwalifikasies
- Magistergraad in politieke geografie by UP – 1996
- BA (Hons) (cum laude) by UP – 1992
- Hoër Onderwysdiploma (cum laude) by UP – 1991
- BA by UP – 1990.
Tydens sy studentejare het Kallie op die Studenteraad van die Universiteit van Pretoria gedien (1991/92).
Hy het in 1987 aan die Hoërskool Pretoria-Noord gematrikuleer en het in graad 11 sowel as in graad 12 op die skool se leerlingraad gedien.
Beroepservaring
Kallie het na die afhandeling van sy studie vir drie jaar skool gehou by die Hoërskool Centurion.
Hy het 25 jaar gelede by Solidariteit begin werk, onder meer as hoof: Bemarking en hoof: Ledevoordele.
Hy dien sedert AfriForum se stigting in 2006 as uitvoerende hoof van AfriForum. AfriForum staan aan die spits van ‘n wye verskeidenheid veldtogte ter beskerming van burgerregte, wat onder meer insluit dat teenstand gebied word teen haatspraak, misdaad, korrupsie, swak dienslewering, korrupsie, die bedreiging van eiendomsreg, die miskenning van Afrikaans en die aanslag op Afrikaanse skole.
Benewens om teen onreg te veg, is AfriForum se primêre fokus om groeiende federalisme te vestig as alternatief tot die huidige mislukkende sentralistiese bedeling. Die vestiging van sterk, selfstandige ankergemeenskappe en selfstandige gemeenskapsinstellings wat as de facto- vierde regeringsfeer optree wat self verantwoordelikheid vir die toekoms op vele terreine neem, vorm die kern van AfriForum se werksaamhede. AfriForum het ook landswyd 165 takke, 177 buurtwagte en 10 000 vrywilligers wat op plaaslike vlak in belang van hulle gemeenskappe werk. AfriForum het tans meer as 300 000 aktiewe lede.
Die AfriSol-afvaardiging na Washington: Politieke spel of etniese verteenwoordiging?
2025-03-12Is "die Afrikaners" die slagoffers van onder meer kulturele bedreiging in Suid-Afrika? Word verdeeldheid tussen Suid-Afrikaanse burgers op grondvlak gesaai? Word AfriForum deur die ANC "gekanselleer"? Waar pas Kaapse Forum in die prentjie? Freek Robinson gesels met Kallie Kriel (AfriForum) en Barend la Grange (Dialoog vir Aksie).
Kallie Kriel gesels oor sy gesprek met Nommer Een
2024-09-18Toe Kallie Kriel ’n oproep van die President kry, was hy vir ’n oomblik oortuig dis Leon Schuster wat met hom spot. Tog was dit nie. Vir 35 minute het die twee met mekaar gesels. In hierdie onderhoud vertel Kriel aan Freek Robinson waarom hy dink die President het die erns van die situasie ingesien, en hy verduidelik ook hoe die volgende drie maande daar gaan uitsien.
Kaapse Forum: Word bruin mense misbruik?
2022-04-06Is die Kaapse Forum ’n afsonderlike silo vir bruin mense om AfriForum se agenda uit te voer? Freek Robinson gesels met Heindrich Wyngaard, die uitvoerende voorsitter van die nuwe Kaapse burgerregteorganisasie Kaapse Forum, en Kallie Kriel, die uitvoerende hoof van die burgerregteorganisasie AfriForum.