Litnet

"ek het dit sien kom
oor die kim van my gedagtes
of voorvaderlike geheue
wat eerder
’n voorvaderlike sonde was"

"as gedagtes versteur raak
met werklikheid of sinnelose snert
wat jy opfrommel saam met die papier"

"Niemandsland treur
oor die verwaandheid
van die mens"

"al is jy al lankal dood
jy is nog hier by my"

"oor hoe onskuld
in skuld gedompel is
deur voorvaders
kerkvaders en verlorenes"

"die dood is verniet
dit kos jou niks"

"die reis deur die woestyn
was warm en vermoeiend
terwyl aasvoëls my agtervolg het."

"eendag langs die pad
het ek jou gekry
toe ek verby gister geloop het
op my pad na myself"

"wat altyd so gedwaal het
tussen netnou en vir ewig
om die skat te vind"

"so kom reën verby
was die kwaad weg
bring genesing"

"so geniet ek –
treur ek –
gebeur ek –
as ek stadig stap
statig en bang ek breek iets"

"wil U ’n flenters siel optel
as die rowers my vir dood gelos het
sal U my wonde verbind en my optel
hier langs die pad van stukkende mense"

"as dit donker word
breek skadu’s los
uit meubelstukke"

"om skaduwees te laat lewe
wat die son wegvat
wat glimlagte steel"

"in die middel
van die middel van nêrens
êrens anderkant Niemandsland
is ’n geheim versteek"