Johan Buitendag
Johan Buitendag is die voormalige dekaan van die Fakulteit Teologie en Religie van die Universiteit van Pretoria (UP) (2010–2018), het pas geëmeriteer en woon in Pretoria. Sy vrou het hom vyf jaar gelede ontval. Hy het deeltyds in Sistematiese Teologie en Christelike Etiek begin doseer, eers by Unisa (1981–1983) en toe by UP (1989–2000). Sedert 2001 was hy voltyds permanent by UP en benewens dekaan, ook adjunkdekaan en departementshoof. Hy het in 1985 in die teologie gepromoveer aan UP, na twee jaar se studie aan die Friedrich-Alexander Universiteit van Erlangen-Nürnberg onder leiding van Friedrich Mildenberger. Sy proefskrif het gehandel oor skepping en ekologie en dit was die eerste van sy soort in Suid-Afrika. Johan is akademies aktief en het al 54 artikels in geakkrediteerde vakwetenskaplike joernale gepubliseer, 15 hoofstukke in boeke (plaaslik en internasionaal) en 13 gepubliseerde referate, en het 14 doktorale proefskrifte suksesvol begelei. Sy volledige lewensloop kan gevind word by OrcID se webblad: https://orcid.org/0000-0002-3693-0176. Die navorsingsvelde waarin hy spesialiseer, is ekologie, epistemologie, ontologie, teologiese opleiding, evolusie, tyd en ruimte, en die gesprek tussen teologie en wetenskap.
Huldeblyk aan Andries Gideon van Aarde (25 April 1951 – 25 November 2024)
2024-12-10"Andries was egter ’n geïntegreerde persoon, en sy akademie en geloof was nie twee afsonderlike sake nie. Hy het sy teologie in die kerk en vir die kerk bedryf."
“Die ewige lewe is geleefde lewe” en “Aan die einde is die begin”. ’n Persoonlike besinning oor die afsterwe van Jürgen Moltmann
2024-06-14"Op Maandag 3 Junie 2024 het een van die bekendste teoloë van die 20ste eeu, Jürgen Dankwart Moltmann (1926–2024), die grense van hierdie lewe oorgesteek en die 'onbeperkte ruimte' (Job 36:16, 2020 Afrikaanse Vertaling) van God betree."
God en ons brose planeet
2020-04-03"’n Teologie van die natuur – of dan ’n ekoteologie – wil ook nie net etiek wees nie, met ander woorde bloot iets soos ’n 'red die renoster'-veldtog nie."
The Club of Rome’s search for planetary well-being through the eyes of a reformed theologian
2019-11-29“The juxtaposition of theology and science provides the need for a new value system apparent in social sciences.”
Die Klub van Rome (“Club of Rome”) se soeke na planetariese welsyn beskou deur die oë van ’n Gereformeerde teoloog
2019-11-29“Hierdie artikel ondersoek die raakvlakke tussen teologie en wetenskap in die lig van die dreigende ekologiese krisis.”
“Jy moet die aarde liefhê soos jouself”
2019-10-30“Die mens het die aarde nodig, maar die aarde het nie die mens nodig nie.”