Litnet

Jaco Beyers is gebore in Kempton Park en het na skool teologie aan die Universiteit van Pretoria studeer. Tydens die tyd wat hy voltyds predikant in verskeie gemeentes was, het hy sy doktorale studie in Godsdienswetenskap aan die Universiteit van Pretoria oor die tema sinkretisme voltooi. Gedurende hierdie tyd studeer hy aan die universiteite van Marburg, Heidelberg en Bayreuth in Duitsland. Sedert 2011 is hy voltyds by die Universiteit van Pretoria ’n dosent in die department Godsdiensstudies. Hy is sedert 2015 die programbestuurder vir Bybel- en Religiestudies. Hy was gasdosent by die Universiteit van Wenen in Oostenryk (2014), die Universiteit van Porto in Protugal (2017) en by die J. Seyle Universiteit in Slowakye (2025). In 2019 is hy aangestel as departementshoof van Godsdiensstudies en in 2019 as die adjunk-dekaan gemoeid met voorgraadse onderrig aan die Fakulteit Teologie en Religie by die Universiteit van Pretoria. In 2023 word hy bevorder tot vol professor. Sy velde van navorsing sluit sekularisasie en wêreldgodsdienste in. Hy was lid van ’n navorsingsspan gekoppel aan die CMR 1900 navorsingsprojek (Universiteit van Birmingham) wat gehandel het oor die Christen-Moslem interaksie soos dit histories afgespeel het in die verskillende wêrelddele. In hierdie projek was hy die sub-redakteur van die publikasie wat in ’n ensiklopedie-reeks uitgegee is. Hy was al gasspreker by talle nasionale en internasionale konferensies.