Ingrid Scholtz

Ingrid Scholtz is in 1946 in Den Haag, Nederland gebore en het aan die Universiteit van Leiden geskiedenis gestudeer. 'n Baie groot deel van haar lewe was sy in die onderwys: hoërskole en universiteite soos die Universiteit van Wes-Kaapland en Stellenbosch. By eersgenoemde universiteit het sy geskiedenis gedoseer en by die laaste een het sy by die afdeling joernalistiek gewerk. So tussendeur was sy redakteur van WêreldBurger, 'n bylae van Die Burger, en dis hoe sy met die joernalistiek in aanraking gekom het.

Toe Ingrid in 1973 in Leiden 'n Suid-Afrikaanse student, Leopold Scholtz, ontmoet, het hy haar voete so onder haar uitgeslaan dat hulle binne 'n jaar getroud is en na Suid-Afrika verkas het. Uiteindelik het hulle hulle in 1979 definitief in Suid-Afrika gevestig, waar haar man by Naspers gaan werk het. Hulle het na Kaapstad verhuis, en daar het hulle tot 2007 gebly, toe haar man na Brussel verplaas is om daar 'n nuwe kantoor vir Media24 te open.

Ingrid en Leopold skryf dikwels vir wetenskaplike tydskrifte.

Ingrid se groot passie is klasgee en sy was baie gelukkig om dit meer as dertig jaar lank te kon doen. Verder was Ingrid vir 'n klompie jare verbonde aan die Nederlandse Skool in Kaapstad.

In haar vrye tyd hou sy van fietsry, stap, tuinmaak, teken en skilder.


Bosma-tika: menings oor Afrikaanse reaksies op die Nederlandse politikus Martin Bosma

Piet le Roux, Ingrid Scholtz, Hendrik Theys 2012-03-15 Moet Afrikaanse mense met die verregse Nederlander Bosma gesprekke oor die bevordering van Afrikaans voer, of eerder sterk standpunt teen hom en sy party inneem?

Om te Bosma of nie te Bosma nie

Ingrid Scholtz 2012-03-14 "’n Mens kan verontwaardig in jou eie hoekie bly sit en jou suiwer sieletjie koester. Jy kan dan tevrede gaan slaap, maar weet wel dat jy dan die inisiatief verloor. In hierdie geval moet jou strategie juis wees om te voorkom dat regse Nederland Afrikaans kaap. Deur te weier om met jou teenstander te praat is dit presies wat gaan gebeur.”

Die ANC/SAKP en die USSR. Deel 1: Wêreldbeskouings

Leopold Scholtz, Ingrid Scholtz LitNet Akademies (Geesteswetenskappe) 2008-10-21

"Die geykte siening van die bondgenootskap tussen die ANC/SAKP en die Sowjetunie is dat dit ’n geleentheidshuwelik was, sonder ideologiese affiniteit."

Die ANC/SAKP en die USSR. Deel 2: Gevallestudies

Leopold Scholtz, Ingrid Scholtz LitNet Akademies (Geesteswetenskappe) 2008-10-21

"In die eerste aflewering van dié beskouing is gekyk na die ooreenkomste tussen die wêreldbeskouings van die USSR enersyds en die ANC en SA Kommunistiese Party andersyds."

Top