Frans Calitz
Frans Calitz is reeds afgetree en woonagtig te Lambertsbaai aan die Weskus. Hy is gebore op Vredendal en begin sy skoolloopbaan aan Laerskool van Rhynsdorp. Hy matrikuleer aan die Hoërskool Zwaanswyk in Retreat/Muizenberg en behaal in 1972 ’n BA-graad en Hoër Onderwysdiploma aan die Universiteit van Stellenbosch. Hy is ’n oudonderwyser en het Geskiedenis en Voorligting by verskeie hoërskole, o.a. Vishoek, Vredenburg en Windhoek, aangebied. Etlike van sy kortverhale verskyn in die Huisgenoot asook Vrouekeur. Hy het ’n lewendige belangstelling in politiek en is ’n gereelde briefskrywer aan die Afrikaanse dagblaaie, veral oor die politieke situasie in ons land. Frans het ook reeds twee boeke geskryf — In die aanslag van die kleur op ons velle val ons bloed op die grond, wat hoofsaaklik polities van aard is en Op die vlug van die voëls, wat oor kindermolestering en manlike brutaliteit handel.
Elders gesien: Grens
2021-08-27"Vir die wat ook grens toe was. Die sewentigs. Die gevaar kom – oor die Kunene en Oranje, tot in ons pragtige land. Upington en Port Nolloth gaan eerste val. Maar pasop vir die Boer en sy roer. Hy moer my broer!! Was dit egter die moeite werd?"
Gila Leah
2021-02-08"Die volgende dag sal my vir ewig bybly. Die koerante is vol daarvan. Gila Leah is dood. Filantroop. Dogter. Blommekind. Dood, sonder dat ek weer met haar gepraat het."
Saliena
2021-02-03"Die onnatuurlike stilte Sondae. Aspro’s en regmakertjies. Sommiges tou kerk toe, vra vergifnis vir gisteraand se dinge en krag vir môre s’n."