Francine Beaton

Die romanseskrywer Francine Beaton het haar debuutroman – ’n kontemporêre sportroman Eye on the ball – in April 2018 gepubliseer nadat sy in Julie 2016 begin skryf het. Sedertdien het sy etlike boeke in verskillende reekse gepubliseer. Dié reekse sluit onder andere in Playing for glory (in Afrikaans Pad na glorie), Taste for love en Blue Mountain, ook in Afrikaans as die Blouberg-reeks.

Francine is ’n gebore Pretorianer wat lief is vir reis, en sy beskou Skotland as haar tweede tuiste. Wanneer sy nie lees of skryf oor liefde en gelukkige eindes nie, skilder sy moontlik of neem foto’s van enigiets wat haar oog vang.

Gedurende die rugbyseisoen sal jy haar óf langs die veld óf voor die televisie kry, besig om haar gunstelingspanne te ondersteun. Dit is dus nie ’n verrassing dat Eye on the ball, en die reeks Playing for glory, rugby as ’n tema het nie.

  • Foto: verskaf

Uitdagings en voordele van selfpublikasie: ’n onderhoud met Francine Beaton

Cliffordene Norton, Francine Beaton Skrywersonderhoude 2023-07-21

Onafhanklike outeur Francine Beaton, wat voortaan haar boeke onder die drukkersnaam Fleur Publishing sal uitgee, deel haar ervaringe en insigte oor die selfpublikasiebedryf. Sy het gekies om die selfpublikasierigting te neem nadat sy besef het dat die tradisionele publikasieproses te lank neem.

Jakes se geheim: ’n onderhoud met Francine Beaton

Cliffordene Norton, Francine Beaton Skrywersonderhoude 2020-07-22

"Dis asof mens net meer attent is op alles rondom jou sodat jy nie dalk iets misloop wat jy in ’n storie kan gebruik nie."

Top