Eldon van der Merwe
Eldon van der Merwe (25) het reeds op die ouderdom van 12 sy eerste rol op die verhoog in ’n Lefra-produksie van Fiela se kind losgeslaan. Na sy skoolloopbaan het hy ’n tegniese diploma verwerf in opvoerende kunste, gekrediteer deur Edexcel London onder toesig van Northlink College in Plattekloof. Die Piketberg-boorling is gereeld met opvoedkundige-teater- en industriële-teater-produksies besig, maar was oa ook te sien op die verhoog in die rol van Chicco (Danger in the dark), Blokkie (Liewe Heksie in die sirkus) en Albert (Die Sideboard Musical).
Sommige van die televisierolle wat Eldon reeds vertolk het, is: Elvis Prinsloo (Ouboet en Wors), Spyker Lamoer (#Koelpixels), Fabian (Sara se geheim) en Curtley Neethling (Arendsvlei). Eldon was ook te sien in Raaiselkind die Film en Nando's se “You people”-advertensie van 2018–2019.
Toyota Stellenbosch Woordfees: In gesprek met drie van die akteurs in Woordedief
2025-10-09"Woordedief is ’n gesinsvriendelike produksie, alhoewel dit op kinders gemik is. Daar is humor waarby beide oud en jonk aanklank vind. Dis definitief ’n moet-sien by vanjaar se Woordfees."
Fietsry vir dommies by die Welgemoed Kunstefees 2024: ’n onderhoud met Eldon van der Merwe
2024-08-23"Fietsry vir dommies laat ons toe om vir ’n oomblik ’n toeskouer te wees in die lewe van iemand wat almal dalk nie elke dag mee in kontak kom nie, al is dit die realiteit van baie mense in ons onmiddellike omgewings." Eldon van der Merwe se eenmanproduksie Fietsry vir dommies is Donderdag, 29 Augustus by die Welgemoed Kunstefees.
Eldon van der Merwe van In Slavenhuis 39 opgewonde oor tweede speelvak by Woordfees
2020-02-07"Ons hoop dat die produksie nog na baie verhoë genooi sal word, juis omdat dit so baie kwessies rondom menswees aanspreek."