Dalene Vermeulen
Dalene Vermeulen is in Gordonsbaai gebore en getoë. Sy matrikuleer aan die Hoërskool Strand en behaal daarna haar BA-graad en BA Hons (Afrikaans en Nederlands) aan die Universiteit Stellenbosch.
Sy verwerf haar Nagraadse Onderwyssertifikaat (UNISA) terwyl sy as Afrikaansonderwyser by Paul Roos Gimnasium hoërskoolseuns oortuig dat gedigte, taalreëls en mondeling praat tóg van belang is.
In 2018 verwerf sy haar MA in Afrikaans en Nederlandse letterkunde met ’n buitelandse studiekomponent wat vroeër aan die Universiteit Leiden, Nederland, voltooi is. In die verhandeling word die teoretiserings van die Amerikaanse pop-filosoof Bell Hooks met die Suid-Afrikaanse konteks versoen en word dit gebruik as literêre raam vir die analise van Ronelda Kamfer se gedigte.
Dalene is sedert Mei 2018 ’n dosent by die Universiteit Rhodes in Grahamstad. Sy reis graag, lees baie en geniet dit om mense se stories te hoor.
African Gothic: ’n teaterresensie
2018-07-20"African Gothic is die Engelse vertaling en verwerking van Reza de Wet se 1986-drama Diepe grond. Die Engelse titel van die produksie plaas die teks onmiddellik in die kader van die gotiek – die gehoor kan dus ’n riller met moord, doodslag, bloedskande en ander grilgebeure wat op Afrika-bodem afspeel, te wagte wees. In hierdie opsig stel African Gothic nie teleur nie."
Monsieur Ibrahim en die blomme van die Koran: ’n teaterresensie
2018-07-06"Monsieur Ibrahim en die blomme van die Koran is oorspronklik ’n Franse roman getiteld Monsieur Ibrahim et les fleurs du Coran deur Eric-Emmanuel Schmitt, na Afrikaans vertaal deur Naòmi Morgan. Die teks is ook deur haar vir die verhoog verwerk. Hierdie eenmanvertoning vertel die ontroerende verhaal van Moses, ’n dertienjarige Joodse seun wat op die Reu Bleue in die Joodse buurt in Montmartre, Parys, woon."