Corneli Quinn
Corneli Quinn is in Bloemfontein gebore en word hier groot. Sy voltooi haar tersiêre opleiding aan die Universiteit van die Vrystaat en behaal ’n MA in Kunsgeskiedenis en Beeldstudies met lof (2015). Corneli is sedert 2012 by die Vrystaat Kunstefees betrokke, aanvanklik as studente-assistent, vrywilliger en produksiebestuurder. Sy koördineer vanaf September 2017 die Vrystaat Literatuurfees, en hier ontwikkel sy ook in 2020 Suid-Afrika se eerste aanlyn literêre fees. In April 2021 word Corneli bevorder tot intermin Feesdirekteur van die Vrystaat Kunstefees, ’n pos wat sy tot November 2022 beklee. Deesdae ontwikkel sy uiteenlopende projekte in die visuele kunste en kunsgeskiedenis. Corneli is ’n voorstander van mindfulness meditasie en deel haar lewe met haar vrou en hul vier troeteldiere.
- Foto: Mark Antony Dobson
approximations to a voice: ellipsis, ’n groepsuitstalling saamgestel deur Jean Dreyer – ’n resensie
2024-09-19"Die woord ellipsis in die titel van die uitstalling verwys dus na ’n weglating en suggereer dat ’n leemte of opening geskep word én dat iets ongesê gelaat word. Dit is egter ook ’n begin- of uitgangspunt. Die leemte of opening wat die kunsuitstalling skep, dien as ’n uitnodiging aan die galerybesoeker om sy of haar verbeeldingstogte aan te roer, om te begin luister na dit wat die metaforiese stem van die uitstalling nié sê nie, dog moontlik wel geluidloos impliseer."
The book & the sword deur Jan K Coetzee: ’n dinamiese sinergie
2024-06-11"In teenstelling met kunstenaarsboeke, waar boeke op sigself as kunswerke voorgehou word, bring Coetzee se boekwerke ’n dinamiese sinergie tussen beeldhouwerk en ongemanipuleerde boeke tot stand."