Coenie de Villiers
Coenie de Villiers word allerweë erken as een van die belangrikste stemme in Afrikaanse musiek. Veral Coenie se lirieke gryp die luisteraar aan, maar as sanger, pianis, komponis en verwerker/produksieleier het hy insgelyks sy merk gemaak.
Sy jongste album, Handgemaak, het in 2004 verskyn. Hy het reeds twaalf albums vrygestel, en Zen het die SAMA-toekenning ontvang as beste Afrikaanse album van 2003. Die album Amper Alleen is in Griekeland en Siprus opgeneem. Coenie het 'n verskeidenheid toekennings ontvang, onder meer 'n Artes-toekenning, 'n Scotty-toekenning en verskeie SARIE-toekennings.
Bekendes wat saam met hom op die verhoog of op van sy albums opgetree het, sluit in Jonathan Butler, Sibongile Khumalo, Sipho Gumede, Gloria Bosman, Leslie Rae Dowling, Steve Newman en Amampondo, asook 'n rits Afrikaanse kunstenaars soos Amanda Strydom, Laurika Rauch, David Kramer en Lucas Maree. Coenie is reeds 20 jaar aktief by die musiekbedryf betrokke.
Coenie werk voltyds as bestuurder van 'n bemarkingsmaatskappy in Gauteng, en is ook die aanbieder van die KykNET-program Kwela.
Opgedateer/Updated: 2006-10-01
Bio-inligting verouderd? Stuur 'n e-pos aan bio@litnet.co.za
Bio info outdated? Send an e-mail to bio@litnet.co.za
Suidoosterfees 2021: ’n onderhoud met Coenie de Villiers
2021-04-20Twee legendes op een verhoog: die skrywer Deon Meyer en die musikant Coenie de Villiers vertel hulle kosbaarste Karoo-stories. Saam verken hulle die Karoo-landskap, sy mense, hul vreugdes en pyn. Karoo Suite en Karoo Suite 2: Karoonagte is op 30 April en 1 Mei 2021 vir Kapenaars beskore by Atlantic Studios se inryteater. Marli van Eeden gesels met Coenie de Villiers.
Coenie de Villiers se woord van die jaar 2015
2015-11-30Wat is Coenie de Villiers se #litnetwoord2015?
Onderhoud: Coenie de Villiers oor 'n Ander wêreld
2015-05-08"Dis onderwerpe wat so effe aweregs is, maar wat my interesseer. Ons vang vis saam met die oorblywende handlynvissers van die Weskus, ry langafstand saam met trokdrywers, bly saam met boemelaars en bergies, bring nagte saam met noodwerkers deur."