Chris Chameleon

Chris Chameleon is ‘n bekroonde akteur en sanger. Sy loopbaan het begin as akteur met optredes in meer as 30 televisiereekse (oa Egoli, Konings, Sonkring, Glaskasteel), films en videos tussen 1990 en 2000. Daarna het die musiekgogga gebyt en word hy die plofbare voorsanger en baskitaarspeler vir die bekende monki punk trio Boo!

In die 7 jaar van Boo! se bestaan het hulle wêreldwye aanhangers gewerf en meer as 800 vertonings in 17 lande gelewer. Nadat hierdie groep in 2004 uitmekaar is, het Chris Chameleon teruggekeer na Suid-Afrika om sy herkoms te vier met die bekendstelling van sy eerste Afrikaanse album: Ek herhaal jou, `n album met Chris se eie toonsettings van verskeie Ingrid Jonker-gedigte.

In 2006 het Chris die eerste Suid-Afrikaanse kunstenaar geword wat op dieselfde dag twee totaal verskillende albums uitgereik het: Die Afrikaanse 7de Hemel en sy eerste Engelse solo album Shine. 7de Hemel bestaan uit liedjies wat hy geskryf en gekomponeer het vir die karakter Liam, wat hy vanaf Mei tot Julie 2007 op SABC 2 se gewilde sepie 7de Laan vertolk het.

Chris het in 2007 sy derde Afrikaanse album Ek vir jou en die DVD getiteld Flight of an Extraordinary Alien uitgereik. In dieselfde jaar het hy `n kontrak met Excelsior Recordings in Nederland geteken vir die verspreiding en bemarking van Ek vir jou in die Benelux-lande waar hy tans groot gewildheid verwerf.

Chris se produksie Klassieke Chameleon is in Januarie 2008 by die Aula Teater in Pretoria opgeneem en is in April op DVD uitgereik.

Opgedateer/Updated: 2008-04-17
Bio-inligting verouderd? Stuur 'n e-pos aan bio@litnet.co.za
Bio-info dated? Send an e-mail to bio@litnet.co.za

Onderhoud oor kykNET se Namibië: ‘n plek om dop te hou

Chris Chameleon, Daniella Deysel, Naomi Meyer kykNET Portaal 2015-09-16

In Namibië: "Afrikaans word erken as een van die tale waarin mens kan bou en groei."

Chris Chameleon, Boerseun in 'n punkpienk minirok

Chris Chameleon, Jean Oosthuizen Onderhoude 2015-09-14

"Afrikaans is ʼn taal, is ʼn mens. Jy praat hom en/of hou van hom of nie. Ek hou van hom. Eintlik is die taal vir my ʼn 'haar'. Sy sit gemaklik in my mond, ek worstel graag om haar kinkels my denke uit, sweet graag om haar kurwes my doene uit."

Kyk wat maak Chris Chameleon nou

Chris Chameleon, Naomi Meyer 2015-02-24 Nie net is hy by die US Woordfees 2015, aan die reis, sing en skryf nie, maar hy bied ook 'n reeks aan op kykNET, waarvan hy in dié onderhoud vir Naomi Meyer vertel.

Chris Chameleon oor Droomland

Henry Cloete, Chris Chameleon 2013-02-26 "Ek dink min aan markte. Trouens, dis ’n lelike woord vir my sover dit enige kuns betref. Ja, ek weet dis ’n mens se werk en jy moet ’n inkomste genereer, maar ek glo ook dat die loon voortspruitend uit opregte toewyding tot jou talent (of vaardigheid) voldoende sal wees om na jou aardse behoeftes om te sien."
Top