Chantal Delsol
Chantal Delsol (1947–) behaal haar doktorsgraad in politieke filosofie in 1982 aan die Sorbonne-universiteit, waar Julien Freund haar leermeester was. Sy was van 1990 tot 2015 as politieke filosoof verbonde aan die Paris-Est-universiteit, waar sy die Hannah Arendt-Navorsingsentrum asook 'n samewerkingsprogram met Sentraal-Europese lande soos Pole, Hongarye, Roemenië en andere opgerig het. Sy is die skrywer van talle filosofiese werke, opstelle en romans, en van haar werk is in meer as 20 tale vertaal. Sy is 'n gereelde rubriekskrywer vir verskeie publikasies, waaronder die Franse dagblad Le Figaro. Sy was ook reeksredakteur by twee Franse uitgewers, onderskeidelik La Table Ronde (1992–2003) en Le Cerf (2005–2015). Sedert 2007 is sy 'n lid van die Akademie van Morele en Politieke Wetenskappe van die Institut de France. Chantal is getroud en die ma van ses kinders, en sy woon in Parys.
Die Johann Rossouw-gespreksreeks: ’n onderhoud met Chantal Delsol oor die apokalips
2023-09-13"Ek glo dat jy die woke samelewing soos dit is met al sy verskriklike verdorwenhede moet liefhê, dat jy die Kerk soos dit is met haar dominerende priesters wat maak of hulle onfeilbaar is, moet liefhê. Kortom, ek glo nie in die deugde van verontwaardiging, van woede, van gewalgdheid van enige aard nie. Ek gebruik ’n goeie deel van my tyd om my naasbestaandes te probeer oortuig dat ons moet ophou om die hedendaagse wêreld te verafsku, omdat ’n mens nooit die samelewing kan verbeter as jy nie begin by om dit lief te hê nie."
Die Johann Rossouw-gespreksreeks: in gesprek met René Girard oor die apokalips van ons tyd
2023-08-07"Die eietydse aankondiging van toekomstige klimaatskatastrofes openbaar die einde van die vooruitgangsgeloof, oftewel die idee dat die onbepaalde vooruitgang na die beste sy afsnypunt en sy versadigingspunt bereik het. Ons beweeg nie meer na ’n onbepaalde verbetering toe nie. Ons beweeg deur die afwisseling van orde en chaos, en dít in ’n sirkulêre beweging."