Annemarie van der Walt
Annemarie van der Walt skryf sedert 2005 'n rubriek vir Beeld, waar sy ook voorheen as joernalis gewerk het. Na haar en haar twee dogters se semigrasie van Pretoria na Kaapsche Hoop in Mpumalanga in 2004 werk sy as boekwinkelbestuurder in die nabygeleë Nelspruit, met 'n kortstondige onderbreking om die Stoep-koffiewinkel op die been te bring. 'n Woordmens deug egter selde in 'n kombuis. Tans werk sy as vryskut en is onder andere projekbestuurder vir die Innibos-kunstefees se boekprogram. Talisman teen troosteloosheid, 'n bundel van haar rubrieke, sien in 2010 die lig.
Die ATKV-boeke-oase by Innibosfees 2024: ’n onderhoud met Sandra Jacobs en Annemarie van der Walt
2024-04-29"Leon van Nierop se Droomjagter is in wording, en omdat hy ’n Laevelder is met noue bande met Innibos, is dit vir ons lekker om sy boek hier bekend te stel. Ons poog ook om die boekeaanbieding toeganglik vir feesgangers te maak. Danie du Toit van Spoegwolf gaan met Danie Marais oor sy nuwe digbundel, Ek en jy bestaan nie, gesels. Dit beloof om lekker nuut en vars te wees."
BoekeJol 2017: ’n oorsig
2017-08-23"En wat ’n program was dit nie. As die noordelike provinsies se lesers afgeskeep voel omdat die oorwig van veral Afrikaanse skrywers in Kaapstad en omstreke is, was dit hul geleentheid om min of meer almal wat die afgelope jaar of wat ’n boek die lig laat sien het, te ontmoet."
