Ars Poetica

  • 0

Fotobron: Canva

Ars Poetica

aan die einde van die versreël
met die vingers van twee hande
die woord gebreek

die vers in lig gestol

aan die einde van die versreël
tussen die vingers van twee hande
die woord gebreek

’n bloeiwyse opwaarts en oop
om met die geur uit stomata te bind

aan die einde van die versreël
op die infrarooi spektrum
’n smal seintuur wit lig
uit grys marmer teruggestraal

in die gewel
op Doriese kapitele
Iris met Egiptiese blou omgord
haar jurk diafaan rimpelend teen die torso vasgewaai

met die vingers van twee hande
die woord gebreek
glimmende reste op die hinterteks

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top