"Al wat ek wil hê" deur Rene Kruger

Geskryf vir: Straatligkinders

Ek hou aan loop
Maar ek loop net in donkerte
Dis defnitief die hartseerste
Tyd, wat ek my siel verkoop

Aan dinge wat eendag nie gaan saak maak
Van mense wat my lief het
Tot mense wat my haat
My woorde oor emosies wat ek praat
Is iemand se vermaak

Ek het seer
Meneer
My hart is geskeer
Is dit moontlik vir alles om te gebeur
Terwyl ek nog leer
Hoe om my hartseer toe te smeer

Ons almal vat kanse
Maar vergeet van balans
Ons almal wil net liefde he
Maar vergeet hoe om te sê
Ek wil jou hart in myne lê

Ek wil jou net vas hou
Sonder enige berou
En die waarheid vir jou fluister
Jou na my hart laat luister

Al wat ek nodig het is iemand wat kan sê
Ek wil jou as net myne hê

Litnet