Litnet

Daar is ’n heftig rasse-aanslag teenoor die Afrikaner, sy taal en kultuur soos nooit sedert die Engelse oorloë nie. Geen militêre aanslag nie, maar ’n politiese en getalle oorwig aanslag deur die oorgrote meerderheid non-Afrikaners wat wil hê dat die Afrikaner sy hele geskiedenis, taal en kultuur moet misken, asook dat hy ekonomies in armoede gedwing moet word. Onlangse protes en gewelddadige optredes teenoor tradisionele Afrikaner-instellings soos skole, landboukolleges, universiteite, standbeelde, naamsveranderings; asook swart werksreservering, ens is skreiende voorbeelde hiervan. Dat daar tot dusver nie meer gewelddadig teenoor hom tans opgetree word nie, is die reële bewustheid dat sodanige optredes groter werksverliese en armoede onder die non-Afrikaners ten gevolge sal hê wat die swart regering in groter verleentheid sal dompel. Die Afrikaner se huidige werkskeppingsvermoë onder hulle, is sy heil tans tot oorlewing in hierdie land. Indien dit nie meer van toepassing is nie, word die Afrikaner vir hulle uitgedien en verhandelbaar, tot gevolge van gevaarlike kwesbaarheid.

Sedert 1994 het Afrikaners hulle vrywillig aan die nuwe bestel onderwerp, met die verwagtinge dat hulle as Afrikaners op gelyke voet met die res van die Suid-Afrikaanse gemeenskap aanvaar sou word. Dit het ooglopend nie gebeur nie. Afrikaners is nie welkom in die land se kulturele feeste nie. Alle kulture word tydens sodanige feeste verteenwoordig, maar die Afrikaner se afwesigheid by sodanige feeste is skreiend sigbaar. Die onlangse “Heritage Day” vieringe is ’n tipiese voorbeeld. Op TV en ander media het die Indiër en bruinman verteenwoordiging gehad, maar geensins blanke Afrikaners nie. Hulle word eenvoudig nie uitgenooi nie. Geen wonder dat Afrikaners die dag nou eerder as “Nasionale Braaivleisdag” vier. As gevolg hiervan, hoort Afrikaners al die ander openbare vakansiedae soortgelyk ook vir hulself te kaap met ’n Afrikaner-geur daaraan geheg.

Feitlik moet die Afrikaner aanvaar dat hy as persoon vanuit alle staats-instellings geleidelik uitgeskop gaan word; dat “Die Stem” gedeelte van die volkslied afgeskaf gaan word; dat Engels die voer-en-wetstaal van die land gaan word; dat naamsveranderinge ’n “fait accompli” gaan word; ens. Die verbete stryd tans deur Afrikaners daarteen, is ’n stryd teenoor die onvermydelike. Waar Afrikaners sedert 1994 bereid was om op gelyke voet in die samelewing te integreer, word sodanige wens tot integrasie op gelyke voet deur die meerderheid non-Afrikaners teëgestaan. Niks behalwe die algehele uitwissing waarvoor ’n Afrikaner staan en is nie, gaan die non-Afrikanermassa tevrede stel nie. Hierdie non-Afrikanermassa dwing die Afrikaner nou om na ander heenkome vir sy selfstandigheid te moet soek, alternatief om te hensop.

Die hensop-politieskorrekte-Afrikaner is bereid om sy voorouers en waarvoor hulle vir hulle volk se regte en instellings gestry het, vaarwel te sê en word van die felste onder Afrikaners wat die res van Afrikanerdom wil verkwalik omrede die nie dieselfde paadjie van kulturele selfvernietiging wil volg nie. Onder hulle, soos in die “Luister”-optredes, word hulle die vonk wat die lont aansteek om in hulle volksgenote se gesigte te laat ontplof, erger terroriste as die terroris Harris wat vir die stasiebom geplant het. Ook tragies. Aan die anderkant van die spektrum het ons die gekkegrens Afrikaners wat Afrikaners in hulle bekrompe blikkies van die verlede wil indruk; vir hulle leiers se indiwiduele persoonlike gewin vanuit fondse bekom deur niksbeterwetende en soortgelyke bitter Afrikaners.

“Die kerngedagte van ons (Solidariteit) se plan is SELFSTANDIGHEID. Ons het lankal agtergekom dat ons nie op die staat kan vertrou om ’n toekoms vir ons (Afrikaners) te skep nie. Ons moet SELF verantwoordelikheid daarvoor aanvaar.” Flip Buys.

Volksstaat is ’n onmoontlikheid. Selfs aanhangers van die bestel besef dit goed, die dat dit nie meer so ywerig deur hulle bevorder word nie. Kulturele onafhanklike selfstandigheid is die enigste ander alternatief tot Afrikanerselfbewussyn, en die enigste organisasie wat die finansiële middele asook die mannekrag (tans 300 000, beplan 500 000 binne vyf jaar) daartoe het, is Solidariteit/AfriForum.

Planne tot die daarstelling daarvan vanuit ’n huidige begroting van R3,5miljart (biljoen).

1. Die uitbou van die huidige 110 landswye takke
2. Die uitbou van Akademia tot ’n nuwe private Afrikaanse universiteit binne die volgende 5 jaar. Die grond is reeds aangekoop.
3. Die bestaande tegniese kollege SolTech word uitgebrei na 1 500 studente per jaar.
4. Miljoene rande se hulp aan Afrikaner studente, tans 4 500 studente @ R73mil, beplan R160mil @ 2020.
5. Die uitbring van nuwe metodes vir Afrikanerwerkskepping waarvoor die grootste gedeelte van hulle begroting aangewend gaan word, oa die ontwikkeling van nuwe elektroniese metodes om mense te help om goeie werk te kry en te behou.
6. R735mil in gemeenskappe te belê, oa verval van munisipale dienste, Afrikaanse skole finansieel ondersteun, ens.
7. Internetmuseum vir Afrikaanse geskiedenis, aanvullend tot skoolkurrikulum.
8. Bevordering van Afrikaans in alle sektore van die samelewing.
9. Gemeenskapsveiligheid.
10. Armoede-verligting en bekamping onder Afrikaners.
11. Erfenisbewaring.
12. Afrikaanse gemeenskapsmedia.
13. Hofsake-kostes om Afrikanerregte te verskans.

Vir die volledige verslag, lees: http://maroelamedia.co.za/blog/nuus/sa-nuus/helpmekaarplan-van-r35-miljard-vir-afrikaners/

As Afrikaner, kan jy nie anders as om hierdie doelwitte met jou lidmaatskap en vrywillige bydraes te wil ondersteun nie?