Litnet

Adam
Tullio Lombardo ca 1490 – 1495

Vir Heleen Louw

jou regterarm omhoog
dryf jy met houthamer
die beitel in skoon marmer

verander
die stand van die ganse blou
in Venesiaanse lig

mikromillimeter vir mikromillimeter
lig die kubistiese ruimte ’n sluis

oorskry hy ’n hoek
onskatbaar om hom ingeskape

vooroor kantelend
in die grondwaartse boog
suiwer wiskunde tastend na
Die Ander

leer die regterhand skryf

twee soorte marmer
klap op mekaar
’n silwer bliksemstraal deurtas die skedel

so het die klip dit uitgeroep