Johannes,
Dink jy nie só ’n poging van jou af, ’n ganse artikel wat dit ten doel stel om ’n ander bydraer, Wouter in dié geval, as persoon af te kraak, openbaar meer van jou eie krake, as syne, nie?
Deur jou “uitdaging” tot ’n kinderagtige tweegeveg in die openbaar te ignoreer, dui op sý wyse volwassenheid en jou onwyse onvolwassenheid. Deur agterna jou instrument, waarmee jy die tweegeveg wou veg, naamlik die kritiek op die Godwin boek (mos duidelik – het nie oor die boek in die eerste plek gegaan nie, maar oor jou mede bydraer, Wouter, se persoon en jou eie verwaandheid en arrogansie), te verbreek met kritiek rakende jou hantering van dié instrument, het Wouter gewys dat hy ook ’n beter taktikus is, as jy – hy het jou laat begaan om jou met jou eie tou van verwaandheid, te hang.
Mens sou tog verwag dat jy, wat aanspraak maak op meer wysheid en kundigheid bloot weens jou hoër ouderdom, sou besef dat jy heeltemal verkeerd met ’n mede-bydraer op hierdie forum, aangaan. Instede om te besef dat jy eerder, in stede van sy persoon, die kwaliteit (of gebrek daaraan) van sy critique rakende jou resensies te behandel, verkies jy om hom as jongere persoon te probeer afkraak.
Maar jy het uiteraard nie geslaag nie. Jy het bloot vir ons almal gewys dat jy kritiek, goed of swak, nie kan hanteer, nie en dat jy voorsprong in jare jou nie kan laat uitstyg bo ’n jongeling wat baie moeite doen om werklik inligting en kennis te versamel, nie om sy ego in die openbaar daarmee te probeer opblaas nie, maar ter wille van die waarde van kennis.
En só staan Wouter se critique teenoor jou resensies steeds ongeskonde en het jy jouself met ’n báie ondeurdagte brief, groot skade berokken. En die énigste steun wat jy kry? Van Kerneels, ’n persoon wat óók, nes jy, ’n redelose en onsinnige persoonlike vete teen Wouter as persoon te koester. Wat getuig dit van jul eie selfbeeld?
Ek en Wouter stem oor min dinge ooreen (gegewe die onderwerpe), maar dít kan ek vir jou van Wouter sê – Wouter is die enigste een onder sy eweknieë hier, wat jou as ateïs insluit, wat geleenthede hier bona fide gebruik om te groei, om te leer, om wyser te word, om sy spektrum te verbreed en te deel wat hy te wete kom – en hy bly konsekwent hoflik en ordentlik. Hy, miskien die minste van álmal wat bydraes lewer op hierdie forum, verdien julle pogings om hom as persoon te diskrediteer, want hy staan kop en skouers bo julle almal uit.
Daarom is jou aanvalbrief só uit plek uit en eerder ’n aanklag teen jou eie persoonlike disposisie. Daar skort dus met Wouter se DNS niks – miskien probeer jy eerder jou eie op hom projekteer en dit is ongevraagd en in baie swak smaak.
Kobus de Klerk
Kommentaar
Hello Kobus,
Hallo Wouter,
Baie dankie vir die Kerswense, veral omdat jy aan my gedink het gedurende daardie kosbare tyd vir my. Ek waardeer dit.
Ek skrywe hierdie dinge oor jou omdat daar mense is wat jou baie berekend so duidelik ten onregte probeer afkraak as mens. Ons het al baie vonke laat spat, ek en jy, maar nog nooit het jy 'n ander mens se persoon hier probeer afkraak nie - en het dit my lankal reeds opgeval - jy het meer liefde in jou as menige wat die titel 'Christen' ronddra... Ek sou my oortuigings as Christenmens dus skade berokken om dit net te laat begaan. Ek skrywe uit my oortuiging.
Alhoewel ek en jou oor baie belangrike dinge op hierdie stadium nog verskil, weet jy reeds dat ek vir jou ’n blink toekoms sien en dat ek werklik meen dat jy nou in jou geesteslewe op ’n plek is waar jy nie tuishoort nie – Jy weet dat ek met jou gekose lewenstyl en geestesstyl glad nie kan saamstem nie en baie uitgesproke is oor daardie dinge, maar jy is ook die bewys daarvan dat ek, deur die genade en Liefde van die HERE alleen, die kosbare en dierbare méns, die régte Wouter Ferns, ágter daardie dinge kan raaksien en waardeer en besef dat, ten spyte van wat my pla, jy kragtige kwaliteite het wat eenvoudig nog vir jou gaan laat uitstyg – waarvan die Liefde en ’n skrander intelligensie wat jy klaarblyklik positief poog aan te wend in jou omgang, dalk die belangrikste, is. Moenie hieroor spesifiek negatiewe kommentaar lewer nie – want jy weet jy sal my nie anders oortuig nie, omdat ek meer vertroue in jou het as jy self …
Jy moet asseblief jou mooi waardigheid, in teëstelling met sommige ander se sieklike selfbeheptheid, bewaar en voortgaan om ander mense te dien en te leer daarmee, wat dit is só kosbaar. Mense wat jou as persoon probeer slegsê, voel minderwaardig teenoor jou.
Ek is dankbaar dat jy die kritiek wat ek dikwels teenoor dinge uitspreek, in die regte gees, lig en perspektief kan sien. Dit het ’n tydjie geneem vir jou om daar te kom, maar jy het – en dít is deel van die getuienis van jou gesonde vermoë om te leer en te vorder, weens jou nederigheid. Jy is ’n voorbeeld vir baie.
Groete vir jou,
Kobus de Klerk.