Litnet

Aan tafel by De Vette Mossel
Onder die koel bome langs die Sasol Kunsmuseum is ’n rusplek, storieplek, asemterugkryplek, gesprek, plek van heerlike seekos, wit sand en groen skaduwees.

Konings van braai
Die nimlike Niël du Bois van De Vette Mossel om dieselfde vuur as Callie Maritz en Mari-Louis Guy, skrywers van die gewilde kosboek Markdag! Kom vind uit wat is dié meesters se geheime vir ? suksesvolle braai, terwyl jy weglê aan ? agt-gang seekos-feesmaal van De Vette Mossel. Callie en Mari-Louis se boek is ook te koop.
6 Maart 17:30 | De Vette Mossel | 180min | R200

Storievuur
Johan Bakkes saam met van die gewildste storievertellers op een verhoog: PG du Plessis, Dana Snyman en Marlene le Roux. Tussendeur staaltjies en verhale wat jou laat lag en ontroer, verower Gert Vlok Nel jou hart met poëtiese klanke van sy jongste album Onherroeplik. De Vette Mossel se beroemde agt-gang seekosspyskaart sorg vir vol mae.
7 Maart 17:30 | De Vette Mossel | 180min | R200

Beste professor...
In hierdie reeks gesprekke kom gesiene emeritus-professore van die US bymekaar en gesels oor ’n verskeidenheid onderwerpe wat Suid-Afrikaners se daaglikse handel en wandel raak. Geniet ’n ontbyt by De Vette Mossel (vir eie rekening) terwyl jy luister na meningsvormers wat ’n lewe in die akademie agter die rug het.

Beste professor 1: Ekonomies-wetenskaplik
Marikana/De Doorns – rooi ligte vir die SA ekonomie?
Estian Calitz (voormalige dekaan van Ekonomiese en Bestuurswetenskappe) in gesprek met Philip Spies (voormalige Direkteur vir Ekonomiese Ondersoek) en Colin McCarthy (Ekonomie).
4 Maart 09:00 | De Vette Mossel | 50min | R30 by die ingang

Beste professor 2: Geskiedkundig
Is die era van Afrikaner-leiers vir goed verby?
Hermann Giliomee praat oor sy opspraakwekkende boek, Die laaste Afrikaner-leiers, met voormalige US-rektor Andreas van Wyk.
5 Maart 09:00 | De Vette Mossel | 50min | R30 by die ingang

Beste professor 3: Juridies-filosofies
Is daar nog plek vir die reg in die moderne SA?
Andreas van Wyk (oudrektor en regsgeleerde) en Bernard Lategan (voormalige Dekaan Lettere en Wysbegeerte en stigtersdirekteur van STIAS) word deur Willie Breytenbach (Politieke Wetenskappe) ondervra oor ’n onderwerp op almal se lippe.
6 Maart 09:00 | De Vette Mossel | 50min | R30 by die ingang

Beste professor 4: Natuurwetenskaplik
Natuurwetenskappe: die volle waarheid?
Piet Steyn (voormalige Senior Direkteur Navorsing en gesiene chemikus) gesels met Jurie van den Heever (Botanie) en Doug Rawlings (voorheen Dekaan Natuurwetenskappe)
7 Maart 09:00 | De Vette Mossel | 50min | R30 by die ingang

Beste professor 5: Polities-wetenskaplik
Leierskap: ’n vakuum in die huidige Suid-Afrika?
Hermann Giliomee, skrywer van Die laaste Afrikanerleiers, tree in gesprek met Willie Breytenbach (Politieke Wetenskap) en Johan Groenewald (gewese Direkteur Navorsing).
8 Maart 09:00 | De Vette Mossel | 50min | R30 by die ingang

Etenstyd-gesprekke by De Vette Mossel
Kom luister hoe gesels die akteurs van die Woordfees se Dramafees oor trefferproduksies waarby hulle betrokke is. Kry sommer ’n vinnige gereg van De Vette Mossel se heerlike middagspyskaart (vir eie rekening) terwyl jy jou verluister aan ons voorste teatermense in informele luim. Kaartjies net beskikbaar by De Vette Mossel se ingang:

Gesprek 1: Liefde, Anna
Met Louis van Niekerk, Sandra Prinsloo, Deon Lotz, Gustav Gerdener en Giep van Zyl
Die akteurs en regisseur van die verhoogstuk oor teater-doyenne Anna Neethling-Pohl vertel hoe dié gewilde verhoogstuk ontstaan het, en gesels oor die rol wat die legendariese en formidabele aktrise vandag steeds in hul lewens speel.
4 Maart 13:00 | De Vette Mossel | 50min | R30 by ingang (ete uitgesluit)

Gesprek 2: Die lelike eend en Tjop en dop
Met Christiaan Olwagen en die geselskappe van Die lelike eend en Tjop en dop
Akteurs en skrywers wat betrokke is by dié twee skreeusnaakse satires trek die gordyne weg oor wat voor en agter die skerms gebeur, en demonstreer in die proses watter kuns dit is om humor en satire oor te dra asof dit die maklikste ding in die wêreld is.
6 Maart 13:00 | De Vette Mossel | 50min | R30 by ingang (ete uitgesluit)

Gesprek 3: Sirkus en Die hart is ’n eensame jagter
Met Lizz Meiring en Kosie Smith
Lizz Meiring vertel van haar ervaring as aktrise in Melt Sieberhagen se skreeusnaakse swart komedie Sirkus. Kosie Smith brei uit oor die huldigingsproduksie Die hart is ’n eensame jagter, opgedra aan Johannes Kerkorrel wat 10 jaar gelede selfmoord gepleeg het. Hoe beleef en deurleef ’n mens die intieme kontak met ander mense se gedagtewêrelde?
7 Maart 13:00 | De Vette Mossel | 50min | R30 by ingang (ete uitgesluit)

Gesprek 4: Die koggelaar
Met Albert Maritz, Stian Bam, Tinarie van Wyk Loots, Alida Theron, Charlton George, Johann Nel en Sekoati Tsubani
Die rolverdeling van Die koggelaar deel geheime oor dié kontroversiële Pieter Fourie-drama op die Woordfeesverhoog. Wat maak hierdie drama oor die boer in stryd so besonders, selfs vir ons tyd?
8 Maart 13:00 | De Vette Mossel | 50min | R30 by ingang (ete uitgesluit)  

Aan tafel by Knorhoek
Geniet die geselskap van die gewildste Afrikaanse skrywers oor ’n voortreflike driegang-ete van Knorhoek se Towerbosch Aardkombuis, ’n knus hawe met sy kwinksinnige ouwêreldse interieur en gasvryheid – die perfekte plek vir 'n heerlike gespreksreeks. Twee glase wyn is ingesluit. Onthou om landgoedwyn en getekende boeke van die skrywers aan te skaf! Vir ’n vegetariese opsie, skakel vooraf 021 865 2958.

Deon Meyer
Sy boeke boer wêreldwyd op topverkoperlyste. Selfs Paulo Coelho sukkel om kers vas te hou! Chanette Paul, skrywer van spanningsromans soos Labirint wat pas verskyn het, vra die internasionaal bekroonde Deon Meyer uit oor ’n skitterende loopbaan en probeer die geheim van sy sukses ontrafel.
5 Maart 12:30 | Towerbosch Aardkombuis | 120min | R200

PG du Plessis
As dramaturg, draaiboekskrywer en prosaïs het PG du Plessis min gelyke in Afrikaans. Joernalis Marina Griebenow pols die geliefde storieverteller en woordkunstenaar oor die enorme sukses van Fees van die ongenooides en kyk terug op ’n luisterryke loopbaan.
6 Maart 12:30 | Towerbosch Aardkombuis | 120min | R200

Boerekos met Dine van Zyl
Dine van Zyl, aanbieder van die gewilde reeks Boerekos op kykNET, gesels oor boerekos en die bewaring van ons koskultuur. Sy praat oor ons mooi taal en ons mooi mense en oor die saamstel van Die Groot Boerekosboek. Kom geniet ’n bietjie nostalgie, ’n bietjie lekkerkry en baie trots!
7 Maart 12:30 | Towerbosch Aardkombuis | 120min | R200Aan tafel by Dorpstraat

Filosofiekafee
Ondersteun deur Dirk Hertzog
Met Anton van Niekerk, Minka Woermann, Johan Hattingh, Louise du Toit, Dirk Louw, Vasti Roodt en Gerrit Brand
Deurwinterde Stellenbosse filosowe sê mekaar oudergewoonte die stryd aan by die immergewilde Filosofiekafee. Kom kyk hoe die wysgere hemelsbreed verskil oor die hemelse, die aardse en alles tussenin, en stem vir jou gunsteling-bogprater. Bespreek gou – dis altyd vroeg reeds uitverkoop!
6 Maart 19:00 | Dorpstraat Teater @ Summerhill| 120min | R60 (ete uitgesluit)

Aandwandeling: historiese dorpskern
Wandel saam met Pietman Retief en Sandra Krige deur Stellenbosch se historiese kern en geniet ons ryk argitektoniese geskiedenis. Strate op dié roete word spesiaal gesluit, ligte verversings word aangebied en 'n kerslig-ete met Stellenbosse wyne volg agterna.
7 Maart 19:00 | Erfurthuis | 120min | R150, bespreek by 021-887 2937

Aan tafel by 401 Rozendal

Soete groete
Met Fanie Olivier, Andries Bezuidenhout, EKM Dido, Danie Marais, Saskia de Coster en Arjen Duinker
’n Opwindende prestige-aand in die geselskap van uitgelese skrywers uit Nederland en Suid-Afrika. Vanjaar by die pragtige landelike Rozendal, met die klanke van akkordeonspeler André Labuschagne. Aanbieder: Dorothea van Zyl.
9 Maart 19:00 | 401 Rozendal | 150min | R200