Ek sien dat hier ’n intense debat woed oor die kwessie van die mens se sondige natuur. Vanuit die godsdienstige kant word daar beweer dat die mens in sonde ontvang en gebore word en daarom verlossing benodig om van hierdie sondestaat verlos te word. Die verlossing word dan sommer ook baie handig by wyse van geloof in hulle verbeelde godsfiguur voorgehou. As ’n mens sou navraag doen oor die bewyse vir al hierdie bewerings en hipoteses dan word jy voortdurend na hulle heilige geskrif “Die Bybel” (let op die hoofletters) verwys. As daar verder gevra word oor wie die gesaghebbende geskrif geskryf het, is die antwoord natuurlik heel eenvoudig: die goddelike figuur wat jou van die sonde moet verlos! Absurd maar waar.
Die hele basis waarop die argument berus is dus geloof in die sondige staat van die mens. As jy eers in daardie hersenskim ingekoop het, is die res van die delusie baie maklik. As daar nie sonde was nie, sou die nodigheid van die versoeningsdood van god nie nodig wees nie en dan val die hele storie soos ’n kaartehuis inmekaar. As jy oortuig kan word dat jy sleg en sondig is dan raak jy soos klei in die hande van onse (sondelose) Kosie en sy agterryer (sondige) FC Boot. Arme ou Trienie is so oortuig van haar sondigheid en kom nie eers agter dat sy gruwelik bedrieg word nie.
Die hele delusie van sonde en die verlossing daarvan sou seker geduld kon word as die groepie eenvoudiges wat hierdie hipotese wou glo dit in die privaatheid van hulle huise beoefen het. Die uitvinders van hierdie delusie het egter mettertyd gesien dat as mense van hierdie belaglikheid oortuig kan word, kan die grense van die belaglikheid na willekeur uitgebrei word. Die ganse aarde en alle waarneembare lewe is sommer skielik ook die handewerk van hierdie goddelike wese en hy (o ja dis beslis ’n hy) stel die wette van die fisika vas, genees mense lukraak, straf mense wat sonde doen, bepaal wie rugbywedstryde wen en sommer oneindig baie ander dinge (omdat hy oneindig magtig is en oneindig baie tyd het).
Maar kom dat ek julle ’n meer uitnemender weg wys.
Hierdie meer uitnemende weg word volledig beskryf in Die Evangelie volgens die Vlieënde Spaghetti Monster (let op die hoofletters). Net soos die goddelike wesens wat ek hierbo beskryf het dit bitter moeilik maak om gesien te word, is die Vlieënde Spaghetti Monster ook nie maklik sigbaar nie. Die Vlieënde Spaghetti Monster is ’n onsigbare wese wat die doen en late van elke mens monitor deur een van sy spaghetti-agtige tentakels op elke mens se kop te hou. Soos wat die mensdom se getalle uitgebrei het, het die Vlieënde Spaghetti Monster elke keer ’n tentakel gegroei om op daardie persoon se kop te plaas. Aanvanklik kon die Vlieënde Spaghetti Monster byhou om tentakels te groei maar teen die tempo waarteen die wêreld se bevolking toegeneem het kon Dit (o ja dis beslis ’n dit) naderhand nie meer betyds tentakels groei om op almal se koppe te sit nie. Die gevolg hiervan is dat die bevolking van die wêreld al hoe langer word.
Daar is selfs wetenskaplike bewyse vir hierdie waarheid! Etlike wetenskaplike studies het aangetoon dat die spesie Homo Sapiens oor die millennia gemiddeld al hoe langer geword het wat ’n duidelike en wetenskaplike bewys vir die bestaan van die Vlieënde Spaghetti Monster is. Daar is verskeie ander bewyse maar ruimte laat my nie toe om nou daaroor uit te brei nie. Die Evangelie van die Vlieënde Spaghetti Monster is natuurlik deur die Vlieënde Spaghetti Monster self geskryf en mag nie bevraagteken word nie! Die feit dat mense al hoe langer word behoort in elk geval as genoegsame bewys te dien. Deurdat Dit (let asb. op dat Dit met ’n hoofletter geskryf word) ’n tentakel op jou kop hou het die Vlieënde Spaghetti Monster slegs goeie bedoelings in gedagte. Dit wil jou bloot beskerm en lei tydens jou opwindende tydjie hier op aarde. Geloof in ander gode veroorsaak dat Dit Dit se tentakel momenteel van jou kop kan afhaal om dit in ’n toestand van ontsteltenis, voor Dit se eie mond te hou, en dan kan slegte dinge oor jou pad kom. Solank jy egter net in Die Vlieënde Spaghetti Monster glo is alles reg en kan jy ongestoord jou gang gaan. Die Vlieënde Spaghetti Monster ken nie die begrip van sonde nie en almal word volgens Dit, sonder sonde gebore. Die lewe is hier om te geniet en jy hoef nooit voor Dit te buig of te aanbid nie – Dit is nie so kleingeestig nie!
Hoe klink geloof in die Vlieënde Spaghetti Monster as ’n alternatief?
Vlieënde Spaghetti Monster groete
Thomas
Kommentaar
Thomas skryf weer om mense uit te lok. Hoop jy voel tydelik beter. Amper ter aanvang: “ … oor die bewyse vir al hierdie bewerings en hipoteses dan word jy voortdurend na hulle heilige geskrif “Die Bybel” (let op die hoofletters) verwys.”
Thomas is onkundig. As na 'n pornografiese boek verwys word deur sy titel aan te haal sal amper al die woorde ook in hoofletters geskryf word. Dis wat 'n mens konvensie noem.
Thomas as jy weer op straat is en jou oë oophou sal jy sien dat daar mense is wat selfs misdadig optree. Dis omdat daar in elke mens saam met die neiging tot die goeie 'n neiging tot die kwade is. Al verfoei jy die woord 'sonde', dit is 'n feit en dan kies jy maar net 'n ander woord, wat die gedagte oordra. Miskien is ek 'n optimis maar ek dink daar sal nog eendag vir jou ook lig opgaan. Ek probeer nie om jou kwaad te maak nie, maar eendag kom ek 'n dierbare tannie by die kerk teë en sy praat oor iemand wat in die koerant 'n aanval op gelowiges geloods het. Haar rustige reaksie was dat dit nog iemand is vir wie sy sal bid.
Ek ken nie vir Kobus, Trienie of F C Boot persoonlik nie en kan net vermoed dat hulle oortuigings van hulle en die mense om hulle beter mense maak (minder behep met hulself en meer ingestel op hulle medemens).
Volgens jou heel laaste sin blyk dit dat jy selfs nog by Cornelius leer! Gesprekke op LitNet kan nie oorskat word nie. Onthou net dat 'n vereiste vir sinvolle gesprek respek van albei partye vereis.
George B
N.S. Terwyl jy jou seerowervlag (ateïsme) so kragtig swaai wil ek nog iets byvoeg. Weet jy hoekom jou sekerheid dat alles vanself en toevallig ontstaan het verkeerd bewys kan word? Die feit dat daar soveel skoonheid rondom ons is – in watervalle, sonsondergange, diere en blomme - kyk maar na Trienie se foto's. Niks het toevallig gebeur nie.
Beste Thomas,
Dankie uit die diepte van my hart vir daardie pragtige woorde van heugelike tyding, woorde van hartverblyding, oor die Evangelie van die Vieënde Spaghetti Monster, en jou briljante uiteensetting daarvan. Hoe wonderlik om uit die mond van die dissipel Thomas te hoor dat ek sondeloos is, en nie in sonde gebore en ontvang is nie; en dat na jare se lyding en verdriet, swoeg en sweet met die kriptiese betekenis van hierdie perverse teologie, ek nou genees kan voel waar honderde psigiaters en honderdeduisende Rande gefaal het. Watter heerlike verlossing!
My lewe nou sien so anders uit as vantevore toe ek gebuk geloop het onder die swaard van die sonde en die dreigemente van daardie Hebreuse god om my te straf vir n appel en ei. Nou het hy bietjie kompetisie van n Vlieënde Spaghetti Monster wat graag wil sien dat mense gelukkig lewe, en nie hulle tyd mors oor onnuttige teologiese bespiegelings nie, wat so onlangs soos 300 jare gelede 'n cul de sac na die brandstapels was.
Stuur tog vir ons materiaal van hierdie wonderlike Vlieënde Spaghetti Monster en vertel vir ons van 'n paslike manier on hom te loof en prys. Halleluja!
Pieter Redelinghuys
Beste Thomas, jy laat my nogals gereeld aan iemand erg desperaat opsoek na 'n ateïstiese Utopia dink ... het jy al ooit van 'n plek genaamd "Noord-Korea" gehoor? ... dis so wetenskaplik gevorderd daar in hul agodsdienstige land dat hulle skynbaar nie eens lig in die donker nodig het nie - kyk hier: http://news.nationalgeographic.com/news/2014/02/140226-north-korea-satellite-photos-darkness-energy/ ... hul leier is die ateïstiese Kim Jong-un - jy sal van hom hou ... dalk pla die lig hom ook as hy die dieptes met sy gevorderde teleskoop wil instaar ... hy sal jou gewis 'n prys loof vir jou bydrae hierbo ... maar onthou asseblief ook net; hier aan Mzansi is daar die Neo-Afrikaners se ewe naïewe evangelie waarin hulle glo dat die kommunistiese Nelson Rolihlahla Mandela hulle van hul apartheidskuld verlos het en dat 'n Ingelse antietjie hulle gaan help om BAIE geld te maak! ... Nederige en Godsdienstige groete, Cornelius Henn
... en o ja Thomas - hulle seg mos iewers "great minds think alike" - ek deel spesiaal hierdie paar grotes met jou: http://listverse.com/2010/06/05/10-people-who-give-atheism-a-bad-name/ (hulle laat my ook onteenseglik aan die werf se eie ou grote Kobus de Klerk - soos hy graag na homself verwys - dink) ...
Thomas, dis logies dat die Spaghettimonster nie bestaan nie want hy sal sorg dat jy sy naam reg spel naamlik ‘Spaghettimonster’. Ook sal hy laat verstaan het dat die persoonlike voornaamwoord van ‘n onsydige ding is soos die manlike, soos in Duits (en ek vermoed Nederlands, Deens, Noorweegs, Sweeds en Yslands maar ek is nie seker nie). Byvoorbeeld, ‘die kar (onsydig) staan nog steeds op sy wiele (nie ‘dit’ se wiele nie). Eintlik, streng gesproke, is ‘monster’ ‘n voorbeeld, ‘n deel van iets, soos die Engelse ‘sample’ maar onder invloed van Engels het ons nou ook die woord begin gebruik vir ‘gedrog’. Laat my dink aan die jong verpleegstertjie wat erg verward was toe die matrone haar aansê om ‘n urinemoster te gaan haal; sy dog dis die ding waarmee haar man in die oggende wakker word.
Thomas,
Vurige kole is jou voorland! Dis nou die aardse (waarskynlik Kobus De Klerk) kole waarmee jy gekasty gaan word. Die interessante deel van hierdie diskoers, soos Pieter Redelinghuys pas uitgewys het, is natuurlik dat nie één van die protagoniste van die Bybel en die Christelike Godsdiens (my Hoofletters!) nog hoegenaamd geantwoord het op die vraag hoe dit moontlik is dat die hierdie godsdiens derduisende en waarskynlik miljoene mense uitgewis / verneder / verdoem / vernietig het nie. Slawerny, apartheid, genocide, kolonialisme, Irak, Afghanistan, die Inkwisisie, die Kruistogte, noem maar op. En dan daai ding van die "just war"... die geregverdigde oorlog vir die christelike beskawing...
Hoe't ons met skoolkadette en elke republiekdag / gesing? :O god van jacob deur u hand word elke volk gevoed. U het wel eer op see en land ons vadere behoed.." En al die klipstapels waarby ek in die ou SAW betrokke was. " Hier beloof ons voor God en mekaar dat ons sal stry..."
Ek gaan vanaand kyk of die VSM sy tentakels oor die Suiderkruis gooi. As dit gebeur sal ek wonder of dit nie maar sommer net 'n laagdrukstelsel oor die Kaap is nie. Kouefront, jy weet...
Beste Thomas
Thomas,
Beste Thomas,
Dierbaar!
Beste Dirk,
Dankie vir jou bydrae. Hoogs waardeer. Jy som die prestasies van die Joodse-Christelike geloof pragtig op. Ek kon dit nie beter doen nie. Wonderlik om te weet dat daar Afrikaners is wat soos jy dink.
Hartlike groete,
Pieter Redelinghuys
Na aanleiding van Dirk Rigter se kommentaar dat:
"nog (NIEMAND)hoegenaamd geantwoord het op die vraag hoe dit moontlik is dat die hierdie godsdiens derduisende en waarskynlik miljoene mense uitgewis / verneder / verdoem / vernietig het nie. Slawerny, apartheid, genocide, kolonialisme, Irak, Afghanistan, die Inkwisisie, die Kruistogte, noem maar op. En dan daai ding van die "just war"... die geregverdigde oorlog vir die christelike beskawing.."
Het ek besluit om te kyk na die grootste massamoordenaars in onlangse geskiedenis om vas te stel of Dirk se opinie geregverdig is.Hier is 'n lys verkry onder:
From Stalin to Hitler, the most murderous regimes in the world By Nigel Jones
UPDATED: 22:00 GMT, 28 January 2012 http://www.dailymail.co.uk/home/moslive/article-2091670/Hitler-Stalin-The-murderous-regimes-world.html
is Dirk se opinie geregverdig, besluit maar self.
Dagsê almal
Die VSM is natuurlik maar net nog 'n geloof, en soos ons weet, is alle gelowe die skepping van die menslike verbeelding.
Ek dink Kobus het te veel spaghetti gevreet; hy kots alweer.
Angus
Beste Thomas
Uit jou skrywe kom ek agter jy het nog nie geleer om die goed waarna jy verwys in konteks te lees nie. As jy dit reggekry het sal jy minder aanstoot neem.Verwyder nou dadelik die Vlieënde Spaghetti Monster se tentakels van jou voorkop af en siedaar die drukking verminder en 'n helder denke is jou weer beskore.
Ai toggie, hoekom moet 'n mens so met julle sukkel.
Beste Angus, jy tik: "Dit lyk my die VSM is die geloof van die toekoms, want die mensdom kan maar net nie ontslae raak van glo in die bonatuurlike en superstisie nie" ... hoe dan so Angus? ... ek't wel net nog net na Noord Korea as 'n tipiese agodsdienstige plek hierbo verwys, maar kan dit regtig die enigste ateïstiese Utopia wees? ... ek ag jul slim agelowiges wat wel ook glo dat Nelson Mandela julle van geërfde apartheidskuld en sonde verlos het, sekerlik nog sulke donker plekke op aarde sal ken! ... Godsdienstige groete, Cornelius Henn
Thomas is natuurlik glad nie oorspronklik in sy verhaling van die Spaghetti Monster nie. Hierdie bespotting is deur die wêreld se eerste sogenaamde Pastafariër, Bobby Henderson, op 'n jeugdige 24 jarige ouderdom in 2005 geparodieer: http://www.venganza.org/about/
Vandag kwaad ou balle, selfs die berugte Richard Dawkins, hierdie twak na asof dit hul eie is. Dawkins is natuurlik ook heel bekend vir sy ateïstiese gedweep "mild-pedophilia". Volgens die ateïs is "mild-pedophilia" beskrywend en iets heel aanvaarbaar waar 'n kind seksuele dade met 'n volwassene geniet. Dawkins het homself hierin op sy eie ervaring beroep: http://www.huffingtonpost.com/2013/09/09/richard-dawkins-pedophilia_n_3895514.html
Dis nie al waarvoor Dawkins so bemind onder ateïste is nie - Dawkins spot ook gereeld Bertrand Russel se "Teepot in die Ruimte" na! Ja, nes ware gelowige Bybelaanbidders soos Kobus de Klerk sonder erkenning aan sy bronne homself slim hou hier - net so verskyn die Spaghetti Monster en die Teepot in die Ruimte satires gereeld hier so asof die werf se eie ware ongelowiges ewe geseënd is met soveel verbeelding!
Hello,
Hello,
Hello,
Beste Cornelius,
Cornelius
Ek dink nie dat Richard Dawkins 'n te ernstige aanhanger is van die VSM nie, want dit is juis oa ook die evolusieleer wat deur die VSM in flarde geskeur word. Die Pastafariërs glo, soos die Christene, dat elke diertjie apart geskape is. Die platypus is vir hulle 'n bewys dat die VSM bestaan, want hy het 'n sin vir humor.
Hahahahaha!!!! ...
Ek waardeer jou humor Angus ...
Hindoe-, Moslem-, Joodse, Boeddhistiese, katolieke (met 'n klein k), Apastafariese (met 'n groot A), Afrikaliefde en Boeregroete,
Cornelius Henn
(en o ja, dit fasineer my steeds grensloos hoe jy die gesproke taal sonder groot en klienletters as meer gevorderd bo die skryftaal ag - jy is skynbaar van die min wat eers leer skryf en lees het en toe gevorder het tot praat)
Wouter Fens se desperate interpretasie van feite waar ek dieselfde maat as die Godsdiens antagoniste gebruik (miskien selfs 'n bietjie misbruik) is opmerklik. Hoekom so "gebalanseerd" na alles probeer kyk waar dit hul laakbare agenda pas maar Wouter so maklik saam vergryp aan die duidelik ongebalanseerde ondermyning van Godsdiens? Wie is nog verbaas oor die gebreinspoelde slimjanne se uitsondering in hul herinterpretasies van die FEITE? Ek dink Mac Maharaj sal bloos as hy hierdie "spin-doctors" se wanhopige pogings om vir mekaar in die bres te tree lees!
Net om my punt omtrent Wouter se pyn hierbo duidelik te maak, stel ek dit dat Wouter op die kant sit waar Thomas, Pieter, of wie ookal Godsdiens probeer ondermyn met hul ongebalanseerde en ondeurdagte veronderstellinge byvoorbeeld dat Godsdiens die oorsaak van alle gru en smart in die lewe is. Dog, dieselfde Wouter sal nie huiwer om met sy gehekel soos weereens hierbo aan te val waar ek ook sy tipe mensehaat aan die klok hang - ek hierdie keer die hel wat ateïste saai in dieselfde ongeldige redeverband as wat Thomas gedurig Godsdiens stel, ongelowiges se wraak op die samelewing te stel. Wouter se eentonige uitsondering van my algemene feite met sy onsinnige getwis geval gewis diegene onderhewig aan hul ewe anderhaat. Na regte het geloof en ongeloof niks na my mening te make met die pyn aan ander in die lewe nie - dis gewoon haters se misbruik van wat ook al om hul medemens mee te treiter waar geloof en/of ongeloof so misbruik word ... Wouter se kwessie met my Boere- Afrikanertrots hier is ook net nog bewys hoe onsmaaklik, onthuts en ongeldig sy argumente kan raak - hy ag elders my selfs die opsteller van artikel 27 in die Nederlandse Geloofsbelydenis te wees! Ek laat enige verdere kommentaar rakende my persoon vanuit Wouter Ferns se obsessie met my net hier.
Beste Thomas,
Dis nog altyd my respek vir jou beskouinge; jou weldeurdagtheid en volwassenheid daarin.
Hier en daar raak jy tog 'n bietjie onsinnig maar ek gee toe, jy hou meestal kop bo water.
Dis nie volmaakte mense wat hul Godsdiens navolg nie.
Geeneen as individu is hoegenaamd verteenwoordigend van 'n bepaalde Godsdiens nie - selfs nie eens die Pous nie.
Kobus de Klerk dien wel as 'n goeie voorbeeld van iemand wat Godsdiens misbruik om sy misantropiese wrok te voed; maar dis sy neiging - mensehaat!
Ander haat is 'n gemene deler tussen gelowiges en ongelowiges wat daarop gerig is om hul medemens met allerlei kombersterme te skaad.
Nes jy berugte ateïste se skade aan die mensdom ongedaan maak deur hulle as arbitrêr voor te stel, net so kan ek godsdiensboewe se wandade aan hul eie vergrype verklaar. Die feite is oop vir enigeen se interpretasie.
Mensehaters sal ALTYD in ALLES 'n rede vind om hul medemens in die hart daarmee te tref!
Betreffende jou laaste stelling: "Vir my [Thomas] is die openlike miskenning van wetenskaplike kennis en die vervanging daarvan met godsdienstige mites ’n misdaad teen die mensdom – veral teen kinders. Dit is juis daaroor wat ek godsdiens met minagting verwerp".
Thomas, ons is almal by 'n verskillende mylpaal in die lewe. My dogtertjie is tans by tande wissel en glo my, ek geniet dit om in hoogs wetenskaplike en mediese terme dit vir haar te verduidelik. Waar haar ogies te groot rek roep ek maar die tandemuis. Die tandemuis, Antjie Somers en Vader Kersfees is ook nie Godsdienstige dogma nie - tog ontgroei kinders dit heel gesond.
Net so ervaar elkeen van ons verskillende stryd en emosies in die lewe waar geen wetenskaplike of logiese verklaring troos bring nie.
Thomas, my eerste brief ooit op die werf baie jare gelede was aan jou gerig. Ek wonder deesdae oor my laaste brief. Daar is baie wat ek met jou kan deel. Mefiante het 'n geruime tyd gelede aan 'n titel in my gedagte geraak; "Die chemie van Godsdiens". Miskien tik ek dit tog eendag en spesiaal vir jou.
Namaste!
Cornelius Henn
Beste Cornelius,
Hello Cornelius,
Hello Cornelius,
Beste Wouter,
Jy had my al 'n paar keer bekommerd - dankie vir die gerusstelling!
Jou argument is egter steeds ongeldig.
Jy handel soos altyd geheel inkonsekwent met die giasmas.
Wyl jy verkeerdelik veronderstel dat my Boere- Afrikanertrots - ander se identiteit minag - jy ewe onthuts Richard Dawkins se geluksaligheid as gemolesteerde vir kritiek teen pedofilie lees.
Nee Wouter, ek't menigmaal my nederige respek en liefde vir die Griekwa, Namakwa, Kaapses en Khoisan hier op die werf gestel!
My onderskeid aan elke ander identiteit is gebore uit selfrespek.
Ek ag myself met waardigheid 'n wit Boere- Afrikanerman, eggenoot en pa.
Is dit dan nie gewoon en ietwat minderwaardig om my krone as 'n bedreiging of ontneming van jou of ander se indiwidualiteit te lees nie?
Derhalwe, dit miskien woes van die onderwerp blyk te lees; Richard Dawkins beskryf sy traak-my-nie (selfs lekker) uit ervaring as kind waar 'n onderwyser sy hand by sy broek ingedruk en hom seksueel bevoel het, juis as 'n ateïs en deel sodanig sy agodsdienstige moraal daarmee vandag.
Soos reeds gestel beskou ek Richard Dawkins se aanmatiging homself as tipies ateïs, as arrogant.
Nes Kobus de Klerk, verteenwoordig Richard Dawkins en sy "mild- pedofilia" net homself en diegene wat hulself met sy slimmighede identifiseer.
Wouter, begin weer voor sonder jou bontpratery en moedswillige hipoteses.
Dankie vir jou wense.
Namaste!
Cornelius Henn
( ... en o ja; had Richard Dawkins net 'n bietjie meer repsek vir ander se harte dan was hierdie 'n pragtige antwoord: http://www.youtube.com/watch?v=urZXB6ct_cc )
Beste Angus,
'n Wyse man het op 'n dag in Ingels uitgeroep: "I have heard many People say, 'Give me the Ideas. It is no matter what Words you put them into.'"
Hierop het hyself as volg geantwoord: "Ideas cannot be Given but in their minutely Appropriate Words."
Bertrand Russel het as volg daaroor gemymer: "The Congress was a turning point in my intellectual life, because I met there Peano. I already knew him by name and had seen some of his work, but had not taken the trouble to master his notation. In discussions at the Congress I observed that he was always more precise than anyone else, and that he invariably got the better of any argument upon which he embarked. As the days went by, I decided that this must be owing to his mathematical logic. I therefore got him give me all his works, and as soon as the Congress was over I retired to Fernhurst to study quietly every word written by him and his disciples. It became clear to me that his notation afforded an instrument of logical analysis such as I had been seeking for years, and that by studying him I was acquiring a new and powerful technique for the work that I had long wanted to do."
Angus, net met wiskunde as voorbeeld gereken ook 'n taal te wees - jy daaromtrent reken; "die skryftaal maar net 'n swak afdruk is van die gesproke taal"?
Hahahahahaha...
Somme(r) uit die kop gereken groete,
Cornelius Henn
Hello Cornelius,
Cornelius, die probleem met ouens soos jy wat Bertrand Russell aanhaal, om te prober slim klink, dit heeltemal uit konteks doen. Plaas Russell se woorde hierbo in logiese "notasie" sodat ons kan weet dat jy regtig weet waarvan jy praat.
Beste Cornelius,
Beste Angus en Chris,
Dis duidelik uit jul onthutsheid hierbo dat julle soos altyd en weereens myle van die punt ter sprake gedwaal het.
Nietemin, ek voel my nie genoop vir jul opvoeding in enige onderwerp nie, maar lees gerus 'n bietjie hier om so 'n effe indruk van wiskundiges en hul besondere sentiment as taal daarin te verstaan: http://www.cut-the-knot.org/language/hersh.shtml
Taal, is die vermoë van die mens om met taalklanke wat in duidelik onderskeibare eenhede van vorm en betekenis in 'n sisteem georden is, betekenis aan ander mense oor te dra.
Gebed en die res van jul ydele spot daarmee is dus nie 'n fundamentele vereiste vir wiskunde om as 'n taal gereken te kan word nie - dit voldoen geheel aan die omskrywing om as taal geken te word.
Net so is daar verskeie ander tegniese en profesionele lingo in die regte wereld wat julle te bowe sal gaan.
Pedagogiese groete,
Cornelius Henn
( ... en o ja Chris, wyl jy dan so slim is - los jou nydigheid teen my persoon en stel jou "ware konteks" vir my aanhaling van Bertrand Russell hierbo)
Beste Cornelius,
Beste Angus,
Waarom het jy dan in die eerste plek 'n kwessie daarvan probeer maak?
Lees jy dalk dat ek iewers na wiskunde as 'n gesproke taal verwys het dat jy toe so ewe in jou onthutstheid my daag om daarin te bid?
Ek is egter BAIE bly dat jy wel uiteindelik ooreenstemming met my kon vind.
Nou moet jy my nog net wys in watter boekwinkel of biblioteek in die wêreld hulle mites onder fiksie plaas - of dat die Bybel ook iets soos "fiksiologie" kan lees!
... of dat die skriftelike taal (soos byvoorbeeld wiskunde) maar ? swak weergawe van die gesproke woord is - soos jy elders beweer het.
Wat van 'n "volledige bydrae" waarin jy jou onderskeiding in pedagogie omtrent die orde van verskillende vorme van taal vir ons demonstreer?
Totdat jy my anders daarvan kan oortuig beskou ek elke vorm van taal op aarde besonder en sonder vergelyk (selfs my "tik" en "skryf" verskil).
Nederige groete,
Cornelius Henn