Wortels

  • 0

Wortels

Hou  die glas teen die lig
om die wyn se lyf te sien
kyk sy kleur en helderheid
proe sy eie besonderse smaak
wat die wingerdrank
diep af in die wortels in
gaan haal het uit die aarde
en uit die grondwater getrek het
dit gee die druif sy smaak
dit spel sy terroir

As jy die druif uitken
deel  jy ook in sy wortels;
proe jy sy bodemgrond

Kyk jy jou vriend in die oë
dink: glo ek sy boeket
sonder dat ek sy wortels ken?

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top