Wene

  • 0

Foto: Canva.com

Wene

Trek lewe in Wene my aan as ’n stad 
waar elke sakeman sy eie koers vat 
en elke impulsiewe kunstenaar 
na sy eie hel en hemel staar?

Of klop die hart van die stad eers in my 
as dié blitsbesoeker, wat snuffel op straat, 
sy kits-kos, kits-pos, kits-eer los 
eietydse vertoonsug agterlaat

kyk na bouwerke eeue oud 
luister na verhale uit die Weense woud 
voel wat die stad in die donker bied 
reëlmatige toorkrag hoor in ’n lied

seisoene sien opwel in die Donau 
die magnetiese glimlag ontdek van ’n vrou 
’n glasie van Strauss se bloedrooi wyn skink 
en saam met haar daarin verdrink

die reëlmaat deurleef waaroor niemand durf praat nie: 
die meesleurende ritme wat jou nooit verlaat nie?

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top