Weg van ons

  • 4

Weg van ons

Die laaste drie maande was hy
maer en deurskynend soos lig
'n veertjie wat die wind wegwaai
al verder en verder van ons

die silwerkoord die enigste naelstring
nog aan ons geheg en alles raak
'n warboel van laat hy gaan
laat hy tog bly.

Hy maak sy oë nog eenmaal oop
blinkblou, spablou, blou
soos die mure van my kamer
en hy swem met sy laaste krag

uit die aarde se baarmoeder
weg van ons.

  • 4

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top