Foto: Canva
Vryheid is ’n illusie
Huldeblyk aan die blues
Janis Joplin
sing van blues en bandanas
op ’n trip in Louisiana
en haar Bobby McGee
Want soms is
om goed te voel
genoeg
en om genoeg te wees
is om goed te voel
Tog
is vryheid
net ’n woord
wat aandui
dat jy niks meer het
om te verloor
Ja,
tussen die vleilande
was geluk so
volop soos katvis en krokodil
en die hippies op hul pil
Maar Janis
se psigedeliese stem
kan nét só lank
betower en verberg
want as jy niks het om te verloor nie
het jy iets wat werd is om te hou?