Litnet

Foto: Canva

Vir mammie

Ma sê altyd:
My keent, jy moet jou mooi oppas
sodat jou lewe vry is van sondelas.
My gedagtes vlieg rond deur my breinare,
oor dai groep meisies met die gekleurde hare.
Ma het gesê: Kyk vir dinges goed,
slaap met elke Jan Rap en sy maat
en hou niks meer privaat.
Hulle wil van God en sy gebod af niks weet –
Lip en mors net, maak asof hulle hul opvoeding vergeet.
Vroeg ryp, vroeg vrot.

Ek verstaan nou beter as 10 jaar gelede.
Nee kyk, met Ma se opvoeding is ek hoogs tevrede.
Ek tel elke dag van die almanak af,
ek het stories vir Ma wat bedoel is vir die nag.

Ek het my hare gedye...
Ek kan al hoor hoe Ma aangaan:
Liewe Here, gee kos en klere

Vir die velskoene sal ek self sorg.

Maar, rus siel, jou Heer is koning.
Dis nie so erg nie, moenie stres nie.

Sit solank op die stoep en bekyk die maan.
Ek’s amper daar.
Nou ja, soos Ma altyd sê:
Laat dit goed gaan.