Litnet

Ek het darem in my dae ook heelwat spoke gefabriseer; een heel onwetend toe my kamera onklaar getrap het. Ek het skelmpies foto's binne die kasteel geneem. Die foto wat ek van daardie lang tafel geneem het, was 'n dubbelfoto met een van die gidse, wat ek vroeër geneem het, se afbeelding langs die lang tafel met sy baie stoele. 'n Mens kon dwarsdeur die "spook" 'n skildery en 'n stoel sien. Ek het dit aan my lekeprediker vriend gewys, en dit het sommer sy geloof laat vertiendubbel. 

 

Op 'n ander keer weer, toe ek  'n dag of wat in die bed moes bly na 'n blindedermoperasie, het hy my in die hospitaal besoek. Ek het hom vertel hoe ek die nag uitgestyg het uit my liggaam, en oral buite en binne die gebou rondgesweef het. Hy het my toe geglo. Daarna het ek hom vertel dat ek sommer die storie versin  het, maar  dit wil hy nie glo nie. 

 

Jy sal natuurlik dink dat ek met 'n eenvoudige vent die spot dryf - moenie glo nie. Hy het twee BSc-grade: een met Fisika en Chemie as hoofvakke, en die ander een met  Plant- en Dierkunde. 

 

Die stemmetjie aan die einde van die video? Ek hoop nie jy dink dis regtig 'n stem uit die dode nie. 

 

Groete

Angus