Verlore

  • 3

Foto: Canva.com

Verlore

Duskant Wintershoek 
in die Witzenberg-vlaktes 
sit ek saam met Breyten 
onder die groen takke van ’n wilger 
sy woorde dans in my kop.

Dis sy gevangenisverse 
wat my vergesog vry laat voel 
vry van myself 
vry van ons land 
vry van alles wat my siel hier verbrand.

Aprilmaand het kom klop 
met sy rituele in verskillende kompartemente 
die fool hou hom salig dom 
die ongelowiges verdrink hulself in mekaar 
die gelowiges bid 
en die res haal asem 
want dit is seker beter 
om blind en doof te wees 
as om jouself te verloor 
tussen reg en verkeerd.

  • 3

Kommentaar

  • Andries+Fourie
    Andries+Fourie

    Baie goeie beskrywing van die draadsitter se verduideliking van sy nie deelname. Praggedig en goeie sosiale kommentaar.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top