Verknoeising 2019

  • 0

Die verkiesing het gekom en die verkiesing het gegaan. Die opstokery en aanhitsing het hopelik tot 'n einde gekom. Uit die miljoene geregistreerde kiesers het die meerderheid 60 % plus gaan stem.

Die herverkoses is in ekstase. Nog 'n termyn van plunder, weelde en status lê voor. "The people have spoken. The peoples shall govern". Een persoon het die moed van sy oortuiging gehad, "the ANC was in power for 25 years and is going to be in power for the next 25 years".

Die slim ontleders en akademici kan ure sit en bespiegel oor die stempersentasies, neigings en strategieë van die onderskeie partye maar dit gaan geen hond haaraf maak nie. 'n Verkiesing in Afrika word gewen deur die bevryder van die onderdrukker en kolonialis. Die bevolking gee nie om vir 'n beleid of verkiesingsmanifes nie. Hy hoor net die populistiese slagspreuk en dis al wat hy kan verwerk. Breë politieke ekonomiese maatskaplike eise is 'n uitheemse terminologie. Die mening bestaan ook dat "apartheid" sal terugkom as die wittes weer wen. Daar is geen groter vrees onder die volk vir die woord nie.

Ek dink ons wittes moet tot die besef kom dat ons nooit weer 'n politieke seggenskap in die landjie gaan kry of hê nie. Ons moet uit hul politiek bly. Laat hulle onder mekaar die stryd aansê. Weens die etniese verskille gaan hulle tot in lengte van dae onvergenoegd en onrustig met mekaar bly. Dit gaan die wittes se redding in die land wees.

Reusedwerg

 

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top