Hallo Thomas, ek verwys na jou vraag onderaan aan my brief oor George Claassen se handskoenstorie.
Vra jy 'n bewys vir die bewering dat George Claassen duimsuiery beoefen? George beweer die kinders se akademiese prestasies is so sleg omdat godsdiens, of geloof in 'n godheid, hulle striem. Ek het gesê dit mag dalk wees maar waar is die bewyse hiervoor? Is die aankoms van die NSA nie dalk die rede vir die swak prestasies nie; veral in die lig van die feit dat a) alles so agteruitgegaan het na '94 – die hele staatsdiens, veral hospitaaldienste, openbare dienste en skole en b) dat leerlingprestasie strate beter was voor '94, godsdiens en al.
Dink maar aan die groot uittog van wit onderwysers en onderwyseresse uit die skole net na '94, en die Afrikaanse skole wat toe moes voorsiening maak vir honderde Engelse kindertjies, en onderwysers en onderwyseresse wat toe skielik in Engels moes onderwys gee, en moeilike dissiplinelose leerlinge, gestekery en geslanery met respektiewelik skerp en stomp voorwerpe, die soort van ding. Soos ek gesê het, George mag reg wees maar sonder sy bewyse beskou ek die redes hierbo gegee as 'n baie beter korrelasie.
George lys onder andere Dan Roodt en Steve Hofmeyr as 'n slegte invloed op kinders se denke en Antjie Krog, Adriaan Basson en Anton van Niekerk as goed. Weer eens, dit mag so wees maar waar is sy bewyse? Hoe, byvoorbeeld, het laasgenoemde drie, wat hulle beywer het vir die gemors waarin ons ons tans bevind, 'n goeie invloed op kinders se denke?
Vir ingeval jy vra, met 'gemors' bedoel ek die verval van hospitaaldienste, dienslewering, die agteruitgaan en verdwyn van Afrikaanse onderriginstansies, plek-, dorp- en straatname en sommer die verdwyn van Afrikaans in die algemeen. Ook die wegholmisdaad, selfs die polisie roof en kaap nou. Plaasaanvalle en wrede moorde op weerlose bejaardes en plaasboere duur voort en ek kan nie onthou dat George en/of sy goeie outjies hulle ooit ernstig daarteen uitgespreek het nie.
Steve en Dan, aan die ander kant, spreek hierdie probleme aan (tot groot ontsteltenis van ouens soos Anton, Adriaan, George en Max). As George reken hierdie aksies van hulle is sleg mag hy reg wees maar, as hy dit nie kan bewys nie, bly dit maar 'n onwetenskaplike bekrompe persoonlike gemene opinie.
Jan Rap
Kommentaar
Jan Rap
Jou troetel-obsesssies kleur die bril waarmee jy Goerge Claassen se skrywe lees sodanig dat jy nie heeltemal die essensie raaklees nie. Sover ek dit lees is dit ’n goeie en gebalanseerde artikel wat aantoon dat godsdiens niks bydra om denkende kinders te skep nie - ’n punt wat ek heelhartig mee saamstem.Wat jou blykbaar ontstel is hierdie paragraaf wat ’n sydelingse opmerking is en sekerlik minder as .1% van die stuk uitmaak:
"Dít bly steeds die soort psigiese koppesnellery wie se bedenklike invloed die Dan Roodts, Steve Hofmeyrs, Pieter Mulders, die Sofars en die Abel Malans op die Afrikaanse denkwêreld en Afrikaanse kinders loslaat en wat die Jan-Jan Jouberts, Amanda Gouwse, Adriaan Bassons, Lizette Rabes, Dave Peplers, Anton van Niekerks en Antjie Krogs met vuis, spoeg of heilig-geseënde woord bydam."
Jou voortdurende hunkering na een of ander onhaalbare bedeling wat geen rekening hou met ons huidige werklikhede nie, is waarskynlik een van die beste bewyse van die geldigheid van bogenoemde stelling. Die ANC maak hulle natuurlik ook daaraan skuldig en glo selfs dat hulle gaan regeer tot een of ander goddelike wederkoms - nog ’n duidelike bewys van die nadelige gevolge van godsdiens in skole!
Wat doen jy om van die huidige regering ontslae te raak? My mening is dat jou, Dan en Steve se pogings bloot die agterlike karikatuur van die Afrikaner (in baie gevalle ongegrond) bly perpetueer.
Groetnis
Thomas
Netjies gestel, Jan Rap. En jy hoef nie te wonder hoekom George nie bewyse gee nie - hy kan nie want hy het nie. Hy het net negatiewe an afbrekende tirades. Hy en sy "geliefdes vannie kaap" kan kritiseer en spoeg en vloek en skel, maar hulle kan nie bou nie, hulle inspireer nie en hulle dra nie 'n greintjie by tot enigeen se groei of verbetering nie.
Hallo Thys, weer ek. Sjoe, maar jy hou nie van die Kaap nie. Terloops, ek is 'n Noorderling wat in Mpumalanga grootgeword het. En terloops, ek is 'n Afrikaanssprekende Suid-Afrikaner, nie 'n Afrikaner ten eerste nie.
Thys, talle wetenskaplike studies het reeds die verband getrek tussen swak wetenskapsonderrig en religeiuse indoktrinasie. Gaan lees Peter Watson se briljante boek, Ideas: A History from Fire to Freud, en spesifiek sy uitstekende hoofstukke (12 oor waarom Islam die Weste ver voor was in wetenskaplike denke tussen die 9de en 11de eeue, en 15: The idea of Europe). En waarom Islam vandag so ver agtergeraak het wat wetenskaplike kennis betref en die redes waarom die wetenskap juis in die Weste, ook en ondanks die Rooms-Katolieke Kerk se Inkwisisie, Islam agtergelaat het. Hy haal die historikus van Cambridge Universiteit Toby Huff aan wat in sy boek, The rise of early modern science in Islam, China and the West, bevind het die gebrek aan 'n skeptiese ingesteldheid en tradisie in Islam-lande en China het hulle hul voorsprong laat verloor. Daarteenoor het Galileo en ander wetenskaplikes teen die kerk opgestaan en was daar 'n sterk skeptiese tradisie.
Pas dit toe op Afrikaanse kinders: ek sien dit daagliks in my nagraadse klasse op Stellenbosch, Afrikaanse studente is net soveel minder oopkop as hul Engelse klasmaats.
Maar George, hoe is dit dat jy my aanmekaar aanvat oor goed wat ek nie gesê het en dit ek wel gesê het nie naastenby aanspreek nie.
THPretoria