Tafelberg
Groot, grys, verhewe en wyd
Sy het ontstaan aan die begin van tyd
Sy waak oor 'n stad, skemer tot dagbreek
Sien mense op die plein lag, huil en preek
REFREIN:
Koningin van die stad
Besoekers dwaal oor haar blad
Sal bestaan tot die einde van tyd
Ken geen vriend, vyand of verwyt
Haar voorkoms verander dag na nag
Ligte skyn oor haar naaktheid en prag
Oranje na grys, steeds staan sy trots
Winterreën val sag, sag teen haar rots
REFREIN
Gevleuel deur die Duiwel en Leeu
Het skepe sien kom in die 17de eeu
Aardse wesens verweer tot stof
Sy waak oor 'n stad, skof na skof
REFREIN
Teken in op LitNet se gratis weeklikse nuusbrief. | Sign up for LitNet's free weekly newsletter.