Staatsdiensreën
Staatsdiensreën sak in
Hy en sy onder advertensie
Wolk breek oop en reën
Neer op mens en besitting
Rommelstroom, sigaretstompievloot
Bedelaar hoes, amptenaar vloek
Maar sy, dra haar blouste oë
En blou pas so goed by reën
Refrein:
Meisie in die onromantiese reën
Wil jy ’n rol in my dagdroom speel?
Medemens ontsnap die dag
Kyk wat gebeur as jy ’n kans sou vat met my ...
Stadstraat nou vol hael
Harde slae, op ’n Duitse kar
Swart foon aan die praat
Donderweer deur ’n skuifelstraat
In poele trap maak ‘labels’ nat
Ryk man vloek, arm man hoes
Maar sy dra haar blouste oë
En blou pas so goed by reën
Brug:
In hierdie prokureur- en vakbondstad
Voel jy omring en alleen
Maar as die aktetasse skuiling vind
Sien jy visioene en gesigte in die teer blink
 |
 |
 |