Sproeireëntjie

  • 1

Foto: Canva.com

Sproeireëntjie
(apologie aan ’n Opperman)

Was daar maar vir my 
’n nooi in ’n nartjie 
en ’n ouma in kaneel, 
ja, iemand ... iemand in anys, 
dan was ek ’n man van geur!

En as ek ’n nartjieskil 
tussen my vingers buig en knak, 
breek uit die sproeireëntjie 
wat droewig langs my hand uitsak,

die troebel weer van Swartfoloos 
en nartjies om my heen 
weet ek hoe ’n man kan soek na troos.

O, was daar maar vir my 
’n nooi in ’n nartjie 
en ’n ouma in kaneel, 
ja, iemand ... iemand in anys,  
dan was ek ’n man om te eer!

  • 1

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top