spektrum (14 Desember 2012)
reënboog pronk, opvallend, bowe Vlakte, Kaap,
uit Vlak uit, tot bó, in ’n wolk in, wit water,
veelkleurig, bo veelkleuriges, nie-rassiges,
troon Boodskap, van Vader: “Lees Genesis 9,
Mens en Naaste saam, op deesk’ mooi Planeet,
voor Mens kompleet-amnesieus, ’t sou vergeet”,
al word Gelofte, Belofte, herinnering, van Volheid,
Gewete S’n, feitlik ongelooflik, deeskant volmaak,
soort déjà vu, herbelewing van belewing, weer,
ervaar, wat iewers reeds, êrens in geskiedenis,
soos hierdie helder umnyama, bó Moederstad,
Hoop van Kaap de Goede Hoop, d’Esperanza,
voorheen al verskyn’t, boodskap mos gestuur’t
êrens word iets vermeld, van ’n Weg, Roete,
Pad wat Mens, Naaste, saam, sal moet wandel,
mede-Mens weer soos mede-Mens sal behandel,
hoe een ou selfs bloed moes sweet, as Mens,
sjatan toe al soos ’n aasvogel rondgehang’t,
hom slinks uitstrek, op Hoerikwaggo se Piek,
lat hy, sjy dissipels, Mens se Geloof beklad,
“Boesman” noggie op “Mens-word”-agenda,
onkunde-ontkenningskunde wyd gedoseer,
geëndosseer, ingeprent, offisieel goedgekeur,
word, soos’t versoeners, patriotte, sou betaam,
Mens, via Self-destruksie, Selwers submissiveer,
nageslag struktuurgewelddadig, kil, annihileer,
van Gewete nog absoluut g’n sprak of sprook
hoe bloedsweter moes sterf, met ’n kreet,
tóé, in Sy Vader se Hande, Sy Lewe te laat,
as God, Sélf, selfs tóé, toe te laat, voorwaar,
model-martelaar, toonbeeld van offerande,
Mens-God, God-Mens, Rekonsilieerder,
selfs Mohammed’t van Hom gehoor,
hoe Hý ongeletterdes geleer lees’t,
Sy Skrif oppie Muur mos vir almal,
deurie bank, Mens, plus mede-Mens
Jacobus Faasen