Sloping

  • 0

Foto: Canva.com

Sloping

Alleen in die ou huis as die aarde 
bewe deur leë kamers dwalend 
om die struktuur vas te hou is jy 
’n gesig by vensters verlate vrou

druppels teen die glas verwring 
alles buite hoe dinge was en ook 
vir jou dat jy dink tyd gaan stop 
in ’n staat waar wat toe bekend 
was nog bestaan maar niks wat 
begin nie niks hou ooit weer op

asof jy die fondamente binnedring 
waarop jou eie beginsel rus ken jy 
jouself nou net as ’n labirint van eie 
lus om afgebreekte mure te antisipeer 
sinnekonstruksie vooruit te sien verweer 
konsepsie in die bouplan al geskiedenis

  • 0

Reageer

Jou e-posadres sal nie gepubliseer word nie. Kommentaar is onderhewig aan moderering.


 

Top