Foto: Canva
sketse van liefde
woorde is soms broos in ouderdom
soos potloodsketse in perfekte voue
maar in die tekstuur van die gesig
lê wysheid teen die koue –
en die koördinate van memoires
blom elke lewensjaar met rykdom –
druppels verlange vier seisoene wat was
geëts in elke rimpel van die geheue
en bossies geluk blom in die oog
uit die hartheuwels se blink teue –
stort na benede onvoorwaardelik
stukkies hemel wat gaan lê in tongbas –
trap sag wanneer die liefde verbygaan
wanneer dit stilstaan om geteken te word
en bind dit met jasmyn vas
laat die rooidag rooier ondergaan
Kommentaar
Weer eens mooi, Marius. Net soos jy dit kan sê.