Wouter, jou doring ...

Shares0Facebook0 Tweet0 Pin0 Print0 Email0 LinkedIn0

Hallo Wouter,

Jou kommentaar onderaan Trienie se nou berugte "Nostalgiese geheuekiekie: kinderjare" verwys.

Jy vra: Cornelius, kom ons stry weer oor Shekhinah? - Wat dink jy?

Wouter, ons het reeds lang stukke vir mekaar so oor en weer rakende GOD ons MOEDER, in die verlede getik.

Alhoewel die intellektualisme van onse Shekhinah my nie raak nie, voel ek liefde, vrede en dankbaarheid in my hart teenoor jou, en jou vrae daaromtrent. Ek sal enige tyd weer met jou in gesprek daaroor tree.

Intussen het Hans Richardt ook vir jou 'n korrekte antwoord gegee. Onder dieselfde bydrae van Trienie antwoord hy: "Die Shekinah is volgens kabalah Adonai se vroulikheid".

Ek voel dat Trienie in 'n gewoon menslike beskouing graag haar pa as 'n grootman in sy geloof en in haar lewe wou beskryf. Dis baie mooi vir my as 'n vrou haar pa so kan bewonder. Ek dink nie dat sy enigeen ooglopend wou bedrieg nie.

Dis ook anders waar 'n liefdevolle dogter haar pa komplimenteer, as waar 'n Kobus de Klerk in helse selfverheffing homself gedurig met ander se werk tooi en dan agterna na homself as "'n ou grote" verwys.

Trienie se stilte op my vrae stel my egter teleur. Haar uitdrukking "shekinah-aroma" is werklik besonder. Dis heelhartig my bedoeling om as eenvoudige kind van die Here, ook by haar omtrent ons ervaring in die Heilige Gees te leer.

Wouter, daar is ander onderwerpe wat jy huidig aanroer wat my ook diep raak.

So is die inligting omtrent pluralisme wat jy met ons gedeel het, iets wonderlik. Ek sal jou mening omtrent die sinkretisme in verhouding tot die pluralisme wil weet (indien daar enige verskil is). In die opsig verwys ek jou na die BBC se bekende "Around the World in 80 faiths". Die reeks is in troue katolieke en sinkretiese tradisie deur die Anglikaanse Priester, Vader Pete Owen-Jones geskryf en aangebied. Al die episodes is tans op Youtube beskikbaar, en kan maklik afgelaai word om oor en oor te kyk

Maar dan is daar die Nasionale Party se uitverkoop van hul kiesers. Jy is besig om 'n pynlike seer oop te krap. Ek respekteer jou standpunt, maar hoop tog dat jy eendag sal besef aan watter geweld ons wittes tans onder die huidige regering vasgevang sit!

Daar is erge onkunde by meeste blankes oor hul geskiedenis. So byvoorbeeld bestaan die valse mening dat die Boere, rassisties is/was.

Wat 'n spul twak!

In die opsig nooi ek jou om deur jou spesiale toegang tot inligting, jy ons Boereheld Hans Dons de Lange se geskiedenis spoor en met ons deel (beter of nes 'n Johannes Comestor dit sou doen).

My bron oor ons Voortrekkererfenis is onder meer Gustav Preller se kosbare reeks, Voortrekkermense. Die hele reeks van ses dele is ongelukkig van die Staatsbiblioteek in Pretoria se rak verwyder (om swart ideologiese redes?).

Hans Dons se geskiedenis is ook met 'n ideologiese agenda deur die Nasionale Party onderdruk. As jy sy geskiedenis navolg sal jy gou agterkom hoekom - dit het nie hul lae Ingelse-apartheid gedien nie!

Wouter, ek is bly dat jy my kon verskoon waar ek dalk soms te skepties teenoor jou was.

Sabbat Sjalom!

Cornelius Henn

Shares0Facebook0 Tweet0 Pin0 Print0 Email0 LinkedIn0

Kommentaar

Wouter

2013-03-17 at 09:24

Hello Cornelius,

Jy spreek 'n verskeidenheid van onderwerpe aan en is my hoop dat die antwoorde in hierdie skrywe op almal sal antwoord.

Om te begin met Shekinah en dan daarmee tesame dat die intellektualisme daarvan jou nie raak nie, die volgende.

Wanneer die geleentheid dit moontlik maak, kan jy dalk aandui hoekom die term 'intellektualisme' vir jou 'n skelwoord geword het?

Nie om te veel oor die onderwerp te herhaal nie, wat beide van ons weer boos vir mekaar gaan laat, net die volgende kort opmerkings"

Die tradisie waaruit Shekinah kom is loodreg in teenstand van die tradisie wat verwys na God op hierdie manier, God die Vader, Jesus en die Heilige Gees. Die spanning tussen die twee tradisies behoort duidelik te wees.

Hiermee word 'n vorige argument van my herhaal, die Christendom bely nie die viereenheid nie.

Leszek Ko?akowski, oorlede, in sy onlangs vrygestelde versameling van opstelle, vra die vraag, Is God gelukkig?

'n Goeie vraag en hoegenaamd nie belaglik nie aangesien dit die deur opmaak vir 'n gesprek oor die aard van God.

Om te begin, geluk is 'n emosie en word daar gelees dat God is lief vir die skepsels hier. Maar wat gedoen met die wat God haat ennie die liefde beantwoord nie of die wat beweer God bestaan nie. Laat dit God dan ongelukkig?

Die tweede vraag wat dan na vore kom indien God dan geen erkenbare emosies het, soos mense dit ervaar, staan God dan onpartydig en onverskillig teenoor die skepsels hier se swaarte. Indien dit sou aanvaar word dat God die perfekte staat van onveranderlikheid vergestalt, dan staan God onpartydig en onverskillig teenoor die skepsels hier en in die konteks daarvan. Hoe kan 'n liefdevolle God die Vader moontlik wees of dan in jou terme, God ons moeder?

Hierdie herinner aan die oproer wat daar was in Duitsland, laat verlede jaar toe die minster van familiesake in die moelikheid beland het oor wat die geslag van God kan wees.

Haar antwoord het van die mense daar in oproer gehad. In Duits word dit soos volg verklaar:

The German language has three definite articles for nouns to indicate their gender -- der (masculine), die (feminine) and das (neuter). The noun der Gott, or God, is masculine. But Schröder told Die Zeit that the article for God shouldn't matter. It could just as easily be the gender-neutral das Gott, she said, saying the article "doesn't mean anything.

Daar kan dus in wese, indien daar oor God wil gepraat word, hoogtens na 'Die God' verwys word.

Die tweede onderwerp wat jy aanroer is die van pluralisme.

Dit moet erken is 'n onderwerp waarin ek 'n ernstige belang het en het dit nie ligtelik geplaas, pluralisme is waaraan ek glo. Die verskeidenheid van denke, gelowe, kulture, argumente. Dit toon vir my die werklike aard van die bestaan aan.

Dit is die laaste lesing, nommer ses, waar Professor van Eck, dit duidelik maak dat pluralisme veronderstel nie, 'n samevoeging van dit alles hier in 'n mengsel wat as 'n enkele waarheid weer aangebied kan word.

Die bring dan jou argumente oor mites weer na vore en die bousteen wat dit vir jou bied van 'n enkele God wat in veelvuldige tradisies uitgebeeld word, maar die oorsprong terug gaan na die van 'n enkele God. Inderdaad is dit so, want dit sou onmoontlik gewees om elke groep hul eie God toe te laat, want watter een is die 'regte' een. Hierdie bevestig hoe moeilik dit is om hierdie teenstrydige argumente te versoen.

Persoonlik vind ek die bestaan van 'n God hoogs onwaarskynlik.

Laastens, die geskiedenis van hierdie geknelde land. Indien jy Comestor as jou gids tot die land se geskiedenis wil wend, dan kan jy nie verhoed word deur my nie. Ek praat slegs vir myself, maar Comestor is die laaste persoon wie se woord ek oor 'n onderwerp sal aanvaar, veral die skande van selektiewe aanhaling wat tot 'n kuns deur Comestor vervolkmaak is.

Ek herhaal, die engiste persoon wat vir die argumente van 'n Comestor sal val, is die oningeligtes en die wat ideologies alreeds aan die kant van Comestor is.

In my eie familie is ek die 'verligte' persoon, wat hard teen sy eie rassime moes veg en nog steeds 'n wakende oog daarop moet hou. Vriende is makliker, aangesien vriende juis die is met wie daar in ooreenstemming is.

Die geskiedenis is deur my gevolg en bevind die Afrikaner erg rassisties te wees.

Wat die huidige stand is, kan ek nie bevestig, hierdie is nie 'n meningsopname waarop eerlik geantwoord gaan word nie.

Baie dankie,

Wouter

2013-03-18 at 17:04

'n Spoeg-en-plak-ekstra vir jou:

"Toleration is historically the product of the realization of the irreconcilability of equally dogmatic faiths. Those who wished to survive realized that they had to tolerate error"

Litnet

Wouter, jou doring ...

Kommentaar

Reageer Cancel reply