Selfbeskikking is erkende reg in Afrika-menseregtekonvensie

  • 13

Vir dié wat fundamentele reg tot selfbeskikking in Afrika in twyfel trek, dit is erkende reg in Afrika-menseregtekonvensie, wat deur SA as lid van die Afrika-unie erken word.

Die erkenning van VN-konvensie oor selfbeskikking in Art 1. Dit word ook so erken in Art 235 van Grondwet 1996. Die feit dat almal gelyk is voor die reg, word misken in die uitsluiting van wit Afrikaners in die Wet op Tradisionele Leiers. 

Ingevolge die 23 April 1994 Akkoord, was wit Afrikaners die geleentheid gegee om dmv eie volksraad tot eenstemmigheid oor die UITVOERING van selfbeskikking te kom, in die parlement onder VF+-leierskap. Helaas het die VF+ besluit dat die Volksraad referendum nie gehou sal word nie en het hul eensydig besluit om die Volksraad te ontbind in 1998. 

Dit beteken nie dat die reg tot selfbeskikking ophou bestaan het nie, slegs dat die VF+ gekies het om nie leiding hiermee te neem nie.

  • 13

Kommentaar

  • Avatar
    Hans Richardt

    As SA nie selfbeskikking vir wit Afrikaners vir hul eie kultuur, onderwys en taal wil gee nie, gaan hul onttrek van die Afrika Freedom Charter of human rights soos aan die internasionale strafhof in Den Haag?

  • Beste Hans
    Die ANC glo nie in 'volke' nie. Volgens Stats SA bestaan die bevolking van Suid Afrika uit: “Blacks 80.8%,Coloured 8.8%,Indian/Asian 2.5%,White 8.%)” 31 Julie 2017.Statistiese vrystelling PO3022017.
    As jy .https://www.news24.com/SouthAfrica/News/khoisan-chief-camping-at-the-union-buildings-says-smaller-parties-are-the-way-to-go-20190428,lees sal jy sien dat die “eerste mense” al sedert November 2018 uitkamp by die Uniegebou en sekere eise omtrent hul bestaansreg het, soortgelyk aan die waarna jy verwys.
    Dit sluit die verwydering van die benaming “kleurling” in. Tot dusver het die ANC-regering hul nog nie te woord gestaan nie en kamp die groepie heerlik uit op die gronde van die Uniegebou en “dreig” om hulself permanent daar te vestig.
    Soos in enige demokrasie bepaal die meerderheid wat die lot van minderhede is. Die meerderheid is volgens die ANC die 80.8% Black en dit is hul belange wat die swaarste by die ANC weeg en nie die oorblywende 19.2 % nie. Dit is hulle wie se stem deurslaggewend by die stembus is.
    Dit is die realiteit van die 1994 verkiesing, minderhede het besluit om hul lot in die hande van die meerderheid te plaas en is dit wat in enige akkoord en wetgewing vervat is net so goed soos die bereidwilligheid van diegene wat die lotbepalers is om gehoor daaraan te gee.

  • Avatar
    Hans Richardt

    FC Boot, dan behoort selfbeskikking mos die las van ANC vir 80% van bevolking te verlig?

  • Beste Hans
    En waar dink jy sal die ANC van die gansies wat goue eiers ( dalk white monopoly capital) lê hervestig?

  • Ja Hans, die ANC gaan hul net los waar hul is,want dit is nie altyd 'n goeie ding om 'n gansie van haar nes te lig waar sy besig is om te lê nie.

  • Avatar
    Hans Richardt

    FC Boot, jy sing jou swanesang. As mens gister se paaie vergeet, sien jy geen hoop in donker toekoms nie.
    Die ANC se goue eiers stop ook. Verder maak jy my glad nie bang vir selfbeskikking nie, net onrustig oor mense wat sonder emosionele intellek redeneer.

  • Beste Hans
    Jy is nie mooi by nie, want jy vertel nêrens hoe jy selfbeskikking gaan afdwing en waar dit gaan plaasvind nie. Onthou enige wetgewing in die verband moet deur die parlement goedgekeur word en dit gaan nooit gebeur nie solank die ANC of 'n party met dieselfde ideale aan bewind is nie.
    Jy ken my ook glad nie. In my voorbarige jeugdigheid besluit ek dat die toekoms in die HNP lê. Dus werf ek fluks en organiseer op 'n plattelandse dorpie waar die oorlede Minister van Landbou, Hendrik Schoeman die septer swaai.
    Die HNP, soos jy seker weet, was erg gekant teen die Engelse pers en Engels. Kon dus nooit van simpatiekgesinde Engelssprekende kollegas oortuig om vir die party te stem nie.
    Van al die ideale het niks gekom nie. Al wat gebeur het, was dat nadat my betrokkenheid
    aan die lig gekom het, ek redelik eenkant gestoot is in my werkkring, want die party was onder hewige kritiek en aanvalle van die NP en Nasionale Pers.
    Dit was egter verstommend hoeveel stemme die party bv in sommige verkiesings gekry het; dit terwyl in die distrik waar ek woonagtig was daar net ses mense die moed van oortuiging gehad het om by die HNP tent aan te klop tot groot vreugde van die NP-ondersteuners. Hul gesigte was egter heel strak toe die stemme getel word en daar baie meer as net ses stemme was. Ondersteuners wou nie hul werkposisies in gedrang bring nie, want die base van besighede was groot ondersteuners van die NP.
    Jy het seker gesien hoe besigheid hul nou agter Pres Ramaphosa en die ANC skaar. As jy gedurig agtertoe kyk, gaan jy nooit reguit ploeg nie en verstik jy naderhand in die stof.

  • Avatar
    Hans Richardt

    FC Boot, wanneer mens ploeg en net so stip voor jou kyk, sal jy verkeerd ploeg, terwyl jy ou sokkies uit verlede snuif.
    Wie vertel jou dat selfbeskikking net in 'n geografiese gebied moet wees? Jy mis die punt. Wat verstaan jy verkeerd oor beheer neem van belange bv Afrikaanse onderwys? Bv vertel jy my nou dat jy graag Milner-Smuts Engelse moedertaal onderrig ondersteun?
    Is Akademia en Sol-Tech selfbeskikking bv net 'n droom in voorgeskrewe geografiese gebied? Is AfriForum se gemeenskapsveiligheid bv selfbeskikking net in 'n geografiese gebied?

  • Avatar
    Hans Richardt

    FC Boot, die "eerste volke" moet hul eie strewes strewe, niks met my te make nie. Tog sit dieselfde sg eerste volke met vele van hul eie dorpies, wat deur sendinggenootskappe ontwikkel was en nou vervalle is.
    Selfbeskikking is eie kapitaal, eie arbeid en selfwerksaamheid vir eie organisasies, nie noodwendig in afgebakende "tuisland" nie. Dit sukkel jy om te begryp. Jou denke weerspieël net stagnasie van kleptokrate se denke in oglokrasie.

  • Beste Hans
    Jy is 'n gevangene van 'n idee wat nie gaan werk nie. Op 27 Mei 2019 was die geskatte bevolking 57 700 000.Hiervan het 14 700 000 hulself in die kleinste provinsie Gauteng met 'n oppervlakte van 18 176 km² kom vestig.
    Vra jouself die vraag af hoekom. Die antwoord is voor die hand liggend. Wat jy nou wil doen is is 'n edel ideaal ,maar dan hou jy nie rekening dat jy met 'n snel krimpende blanke bevolking te doen het nie. Dit het van 1995 van 5 224 000 (12,7 % van totale bevolking) geval tot 4 520 100 (7.8 % van totale bevolking). Dit is 'n daling van 70 4300 (+-13%)
    Ongeveer 15% of 720 000 van die blanke bevolking is ouer as 65 in 2015.Hulle gaan dus in die volgende 10 tot 20 jaar nie meer met ons wees nie.
    Wat ek dus sê is dat 'n mens 'n groeiende en nie krimpende bevolking nodig het om selfbeskikking soos jy dit sien lewend te hou. Kleptokrasie is 'n regering deur diewe wie se denke glad nie stagneer nie, inteendeel hul raak al hoe meer vindingryk!
    Dit sal inderdaad ’n vernuftige regering verf om hul uit te roei en aan bande te lê. Nee AfriForum, van wie ek 'n lid is, is nie in 'n geografiese gebied nie. Sy hoofdoel is: "AfriForum bedryf landswyd honderde projekte deur middel van ’n netwerk van voltydse personeellede en 150 takke. Dié projekte behels onder meer die uitbou van meer as ’n honderd buurtwagte om veiligheid te verbeter en plase te help beskerm, die verbetering van dorpsdienste, hofsake teen korrupsie, veldtogte om die wêreld bewus te maak van wanadministrasie en raswette, die bevordering van Afrikaans en Afrikaner-erfenisse, asook hulp aan studente wat onder vyandige universiteitsbesture deurloop."

  • Avatar
    Hans Richardt

    FC Boot, al gedink dat as belastingbetaler en as betalende lid van AfriForum, jou "geld" teen dit self veg?
    In stede kon jou "mildelike" bydrae by AfriForum, onderdeel by Solidariteit, gebruik word om selfbeskikking vir onderwys in Afrikaans te doen en weg te doen met korrupte staatsbeskikking in onderwys.

  • Beste Hans
    Sodra geld in staatskoffers beland raak dit kleurloos. Ek kan dus nie vir die staat voorskryf hoe hy sy fondse moet aanwend nie, want die politieke party wat ek ondersteun is te klein om die regering te vorm. Die realiteit is tog 'n gevolg van die meerderheid wat tydens die 1992-verkiesing die NP-doelwit onderskryf het deur hul stem ten gunste daarvan uit te bring.
    Maar my bydrae aan AfriForum ,hoe gering ook al, help AfriForum om sy doelwitte te verwesentlik.

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top