Onthou jy nog
Onthou jy nog die tyd toe ons nog kinders was
Wegkruipertjie speel in die lang geel gras
Fietsry in die strate tot the skemer kom
Al was die speke ook geroes, al was die speke krom
Bangmaakstories vertel in die laat-laatnag
Verbeel ons daar’s ’n heks wat by die venster lag
En pa wat sê: “Dis laat, julle beter nou kom slaap”
Terwyl ons oë traan soos ons sit en gaap
KOOR
Mis jy ook somtyds die onskuld van ’n kind
Teen die gevare van die wêreld was ons blind
Hoekom het daardie tyd so gou verbygegaan
Hoekom kon die tyd nie ’n bietjie stil gaan staan
Onthou jy nog ma se lekker roompoffers
Die reuk van motbolletjies in die ou koffers
Maak of jy slaap sodat pa jou kar toe dra
Hoe ek jou opgesteek het om ’n geldjie te gaan vra
Vloerpolitoer se reuk bring herinneringe terug
Van jou sleep op ’n ou kombers, agter my rug
Ma wat ons leer dans het met ’n tamboeryn
Een van haar soene, al jou pyne verdwyn
 |
 |
 |