Ons kombuistaal, Afrikaans

  • 3

Ons kombuistaal, Afrikaans

om die kospotte van ons moeders
in die smeltkroes aan die kaap
in gesellige kombuise
het ons ons taal leer praat

kaaskop en duusman,
maleier en khoi
het elkeen sy deel in die potjie gegooi
’n knippie van dit, ’n knypie van dat
met ’n skeutjie wyn so reg uit die vat,
van springbok en koedoe is biltong gemaak
bobotie met blatjang en borrie vir smaak
’n mengelmoes Hollands en Engels en Frans
word toe ’n aitsa gesels-Afrikaans!

  • 3

Kommentaar

  • Baie oulik hoor!

    Neem 'n tema waaroor ons Afrikaanses na al die eeue nog baie ontsteld en sensitief oor is, en wat ons nie eintlik welgeval nie, en verander dit in 'n bitsige en oulike verering van ons taal se wortels. Spot as't ware en parodieer die wat voorspel het ons taal sal nooit gepraat word buite die "keuken" nie, en besweer die alomteenwoordige vrees wat nog altyd bestaan met 'n oulike en satiriese kwinkslag.

    'n Nota van waarskuwing: indien ons nie ons taal se hoëvlak-funksies behou en daarvoor baklei nie, sal ons binnekort NOG sonder een van slegs drie tale wat in die 20ste eeu ontwikkel was tot 'n volwaardige wetenskaps- en hoëfunksie-taal NOG 'n dierbare "kombuistaal" sit. Harde, sweetbelaaide werk lê voor!

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top