eish, Mens, maar jy’s so beeldskoon-mooi,
al word Waarheid beloer, hoerlik opgetooi,
soos rykes, ytie lug yt, Mens klinies betrag,
Self t’sien, hoe word mede-Mens verkrag
sterf daar elk’ dag iemand, ‘n beminde,
maak elk’ dag iemand ergens nog liefde,
déjà vuïsties t’voel, klimaks anie uitkom,
interaktief samesmelting, eie aan Mensdom
staan Mens soms skoon verstom, veld-uit,
t’duidelik, hoe super-ongelyk speelveld loop,
mede-Mens van alle waardigheid gestroop,
van Naaste, Liefde, so streng deur Skepper,
Uitdruklik, Mens, volgens ieder Letter Geset,
as Eie, Essensieel, Oorlewingseind’ ter wille
kanti, allervolstrekte minderheidswetboek,
oudskool, Oraniaans, ultra-onoordeelkundig,
onwillig, demokrasie, in praktyk, toe te pas,
konsensusgerig, meerderheid te raadpleeg,
te veel ivoortoringwagters, neo-sedebewakers,
kyk net hoe hoog’s hul mure, hoe kil, verword
Naaste uitgelag, gesegregeer, dehumaniseer,
ge-“ras”-‘n-“klas”, verpejorativeer, ampt’lik,
via banaliteit, struktuurgeweldsillegitimiteit,
tot iets sosio-onaanvaarbaar verklaar,
soos in Indië, as kaste, onaantasbaar,
God se Skeppingsrol glattie aanvaar,
as Verifieerbaar, Toetsbaar, Waar
al lyk Skepsel presies soos Skepper,
bly Millennium Drie se Eerste Mens,
plus nageslag, hiërargies heel laaste
Jacobus Faasen