meeste historici moet geskiedkundig erken,
Azaniaans wassie van begint af so waans,
Camissa se H2O vloei nog Baai in, van bó,
yt //Hoerikwaggo se Tafel-blad yt, surerig,
net neffens “Duiwelspiek” (“Berg Krotoa”)
helder me. Havgard weer Berg op, tjyns,
verander Mens, dienooreenkomstiglik,
nie meer so Gewete-loos, submissief
‘t Krotoa haar Havgard-hardegatgeit,
net so laat staan, regte regstelling,
regstellend aktief, neo-progressief,
interkultureel, al kruistaal gebesig,
tussen inkommer, slaaf en Khoisan,
tussen inkommer en inkommer, ja
Azaniaans van begin af kreools,
lyfheer se seuns, nes sý, ketools,
pa se dogter ook hulle lijfeigene,
Kaap se koue kom-kom uit t’dryf,
slavin nie so halsstarrig soos Eva,
pre-Havgardiaans Khoi, hardegat,
tot lat Peter ok haar hart kom vat
“Duiwelspiek” nette woordspeling,
valsheid, letterlik: ‘n wanspelling,
deur Broederbond gelegitimiseer,
deur hul vals profete, volgelinge,
medepatriotte, oranje-blanje-blou,
aan apartheidsgod etnies getrou
ingeburger, bó Moederstad, Parlement,
van Eiland af, aan Tafel se linkerent,
vereer Mens nog sjatan, submissief,
soos Mens weet, so Self-destruktief,
“Duiwelspiek”-dissipelskaplik, awu,
eina, Mens, daar waar Gewete was,
word nu niks ervaar, kanti, ‘n Tyd,
Tyd van Herwinning, so binnekort,
Geregtigheid, in Mens se Leef-Tyd,
‘n onbetwisbaar ultra-werklikheid
ja-a, Azaniaans tog heel anners,
assie “isiBhulu” waarin KKNK’ers,
so papsaklik, ultra-dop-‘n-damlik,
sawens mekaar so goeienag soen,
sonner behoefte aan ‘n amnestie,
of kennis oor afwesigheid daarvan,
so neo-liberaal, rassisties, ewolusionêr,
onrewolusionêr, in Self-destruksiesindroom,
Self-destruktivisionisties, so populêr-filosofies,
amper meer bedonnerd as allie Don’s en Donna’s,
wattie ivoortorings so Quichoties probeer bestorm
amper meer Nederduijtsch as wat Afrikaans ooit was,
amper meer verslawend as lingua franca, toeka se tyd,
eish, deur al wat mal is, opgetower, ammeketaargeslaat,
lank voor segregasie, tuislande, Soweto, apartheidshaat,
in Kofifi gekwela, verstaan, voor Triomf-triomfeerders uit,
“Afrikaans” deur eie spreker tot “Azaniaans” vertransformeer,
via Nederduijtsch, toe Kaap nog kapitalisties, VOC-stasie, was
Jacobus Faasen