Dewald Koen, betrokke by die Fakulteit Opvoedkunde aan die Nelson Mandela Universiteit in Port Elizabeth (by die afdeling Aanvangsonderwysopleiding), se passie is Afrikaanse letterkunde en poësie. Hy het onlangs vir sy eerstejaarsklas gevra om plakkate van Afrikaanse digters en hul werk te maak. Hier onder gee Dewald nog meer agtergrond en die studente deel ook hul plakkate.
In “God die digter” skryf die digter-literator TT Cloete:
Chili is deur ’n digter gemaak ~ Neruda
daar is meer poësie in die sneeuvlokkie
as in die letterkunde en baie meer poësie
in die miskruier in die toktokkie
in die meteorologie en entomologie
in die môremis en in die bergpiek
die horison wat in die hemel wegraak
in die rooswolk is daar baie meer liriek
die aarde is deur ’n digter gemaak
(Driepas, 1989)
Die Afrikaanse poësie lewer jaarliks opwindende nuwe stemme op wat die ryk skatkis van die reeds bestaande digkuns aanvul. Om eerstejaarstudente opgewonde te maak oor poësie kan soms ’n uitdaging wees.
Ter voorbereiding vir die Afrikaanse poësiemodule wat die eerstejaarsklas (Intermediêre Fase) in die tweede semester aan die Nelson Mandela-Universiteit se opvoedkundefakulteit gaan volg, is studente aangemoedig om vooraf oor Afrikaanse digters te gaan oplees. Elke student het die naam van ’n digter ontvang en moes ’n visuele uitbeelding van die digter se lewe en werk saamstel. Die studente het die opdrag terdeë geniet en met allerlei kreatiewe skeppings vorendag gekom. Die gedigte wat studente gekies het, was insiggewend. Sommige studente het die uitbeelding van motiewe en temas in digters se werk beklemtoon, soos in die geval van die reismotief by Joan Hambidge en Bibi Slippers se liefde vir skape. Graag deel ek ’n paar van die studente se plakkate met LitNet se lesers.
Vier van die studente wat die plakkate gemaak het: Aiden Syce, Megan Coetzee, Francois Nothnagel en Jade-lyn Jagers (foto's van elk: verskaf)
Lishé Lategan se plakkaat rondom Joan Hambidge is aangewys as die beste plakkaat.
Mari van Onselen se plakkaat rondom Ingrid Jonker is aangewys as tweedebeste plakkaat.
Jason Kleinhans se plakkaat rondom WEG Louw is as derdebeste plakkaat aangewys.
Hieronder volg die res van die studente se plakkate.
Jade-lyn Jagers se plakkaat rondom Marlene van Niekerk
Dorian Miles rondom Clinton V du Plessis
Courtney Shongwe se plakkaat rondom TT Cloete
Carlin Jantjies se plakkaat rondom Bibi Slippers
Francois Nöthnagel se plakkaat rondom NP van Wyk Louw
Lynette Ittershagen-Strauss se plakkaat rondom Nathan Trantraal
Aiden Syce se plakkaat rondom Marlise Joubert
Carlo Jonck se plakkaat rondom Uys Krige
Jaraldine Killian se plakkaat rondom Louis Esterhuizen
Nicole Lewis se plakkaat rondom Andries Bezuidenhout
Marnus Lombard se plakkaat rondom Sheila Cussons
Anastasia Plaatjies se plakkaat rondom Ronelda Kamfer
Bendré Jonck se plakkaat rondom Daniel Hugo
Brittani Hendricks se plakkaat rondom Fourie Botha
André Gerber se plakkaat rondom Breyten Breytenbach
Michaela Ruiters se plakkaat rondom Johann de Lange
Claudine de Wet se plakkaat rondom Antjie Krog
Devan Willemse se plakkaat rondom Loftus Marais
Denver Jafta se plakkaat rondom Elisabeth Eybers
Aiden Felkers se plakkaat rondom Marius Crous
Nastascha Nell se plakkaat rondom MM Walters
Megan Coetzee se plakkaat rondom Lina Spies
Tiaan du Toit se plakkaat rondom Olga Kirsch
Ter wille van volledigheid: Dewald Koen laat weet dat daar opdrag gegee is om ook plakkate rondom die volgende digters te maak, maar die plakkate is nie ingehandig nie: DJ Opperman, Johann Lodewyk Marais, Ina Rousseau en Louis Leipoldt