My sonskyn

  • 3

Foto: Canva.com

My sonskyn

Jy’s die son; jy’s die maan 
die sterre daarbo, 
die rede dat ek lag 
en die sprankel in my oë.

Jy’s die anys in my veerbeskuit 
en die kondensmelk in my tee. 
Dis die sensasie van jou lippe 
wat lewe aan my passie gee.

Jy’s die odeur van die veld 
ná die eerste lentereën; 
die donder wat ’n storm 
soos ’n slagorkes laat dreun.

Jy’s die tamboerslag 
wat my geluk verklap, 
wat my hartsmusiek tot ritme bring 
en die rede dat ek saans in die bad vir jou 
“You are my sunshine” sing!

  • 3

Kommentaar

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top