Foto: Unsplash.com
Manifes van die kremetartboom
na ’n toespraak van Robert Sobukwe
verby die klippe in townships,
die perseënwaas
van Vlakplaas se braaivleisvure
en ook alles tussenin,
het die kalm kremetartboom
hemelwaarts
deur steriele stofgrond gebreek;
swart
en
wit
en
bruin
lote het
ineen-
gegroei.
terwyl verwelkte siele in die veld
tussen grafte van wedersydse gemeenheid
versamel,
en geplant is in
’n eens bloedbevlekte grond
waar nou net belowende blomme gedy:
saam-saam,
Azanië,
in jou skadu,
word almal
(be-) vry
Kommentaar
Dankie vir die plasing!