Litnet

Soms verwonder ek my aan die Afrikaanssprekende mens veral die blanke Afrikaner se swak optrede.

Ek verdien my brood langs een van die hoof vakansieroetes by ’n baie besige en welbekende stilhouplek waar daar hordes mense hierdie tyd van die jaar stilhou vir brandstof en die natuur se roep. Ongelukkig is dit nie net motoriste nie, maar daagliks tussen 10 en 12 uur ook om en by 60 busse vol passasiers. Wat eerstens daartoe lei dat daar toue mense by die kassiere staan asook by die ingange en natuurlik by die toilette. Al beskik so ’n plek oor 100 toilette of kassiere is dit onmoontlik om genoeg toilette te hê vir al die mense en sal daar nogtans tou gestaan moet word.
Hoekom verwag die blanke Afrikaner voorkeur, is hulle so opgevoed of is dit in die gene?

Gister was ’n sprekende voorbeeld van ’n baie jong moeder, wat ’n ou swart dame uitskel omdat sy durf voor haar inloop by die groot deur en toe te stadig loop na haar sin. Die opmerking wat sy maak aan haar eie baie ouer ma was: “F****t, hulle is darem maar wit”, met verwysing na die swart dame. Ek wens ek kon haar vertel dat as sy eerder soos die swart dame opgetree het sy met respek behandel sou word. Dieselfde ou swart dame kon die ma van haar kinder-oppasser gewees het.

Dan is daar die geval van ’n ou Afrikaanse oom wat deur die petroljoggie aangespreek word heel beleef: “Middag oom waarmee kan ek u help?” net om toegesnou te word: “Ek is nie met jou f*****n antie getroud nie!”

Ek is reeds 66 en al die personeel spreek my aan as oom uit blote respek. Wat is dan fout daarmee?

Selfs as ’n mens na die kleredrag van die verskillende rasse kyk wonder ek wie is die beste opgevoed, die wit jong vrou met haar eina-broekie of kort rompie en kaal pens met borste wat vryelik rondhang of die swart ewe oue vrou met die netjiese drag waarby niks uitsteek of uithang nie.

Ek sal ons volk nooit ooit verstaan nie.
DJS