Foto: Canva
Maak my net ’n donkie se kakebeen
O Here, my Heer,
vergewe maar net vir my.
Dis hierdie binnekantse seer.
Iemand moet tog iets doen oor almal sóveel lei.
U Bybel sê:
draai maar die anner wang,
maar is dit wraggies wat U wil hê,
vra hierdie binneste bonatuurlike Drang.
Wat waar is, is waar
en die wat swyg, stem dan maar saam.
My gewete weeg te swaar
want my naam is my naam.
’n Oog vir ’n oog
en ’n tand vir ’n tand.
Dis waarom ek betoog.
Ek het tog verstand.
Maak ’seblief vir my
dan net ’n donkie se kakebeen
om U kinners te wreek op die wat hulle seer laat kry.
Laat my hare tog net een keer groei en gee my U seën.