| Hierdie blad bevat erotiese literatuur en illustrasies. Indien jy jonger as 18 is, verlaat die blad asseblief onmiddellik. | The following page contains erotic literature. If you are under the age of 18, please exit this page immediately. |
Droomverlore
Oor markpryse en stygende inflasiedruk
Word ek genadeloos vroeg reeds ingelig
Want wie het gesê sewe-tot-vyf
Is vir dromers ingerig?
Agendas, kontrakte, vyf-jaar strategieë,
Dit voel of ek iets belangriks vergeet?
… en so, in my aangesig se sweet
Probeer ek van my verdiende brood te eet.
Maar dan,
onverwags,
dwaal my gedagtes na jou …
Ek het gister my hand op ‘n ou brief gelê
Noukeurig geadresseer aan my.
Gemaklik – stromend – vloei jy voort
En ek lees prewelend
Bladsy
vir bladsy.
… en so sit ek nou,
hier in my kantoor,
net as gevolg van jou
Droomverlore …